რუსულმა სუ-35 გამანადგურებელმა შავი ზღვის თავზე პოლონური L410 Turbolet შეაკავა. რუმინეთის თავდაცვის სამინისტროს განცხადებაში ნათქვამია, რომ რუსი მფრინავების ქმედებებმა გამოიწვია ტურბულენტობის გაზრდილი დონე და სერიოზული სირთულეები პოლონური თვითმფრინავის კონტროლში, - იუწყება რადიო თავისუფლების რუმინული სამსახური.

ბუქარესტმა რუსი პილოტების ქმედებებს მიუღებელი და აგრესიული უწოდა. რუმინეთის თავდაცვის სამინისტროს ცნობით, სუ-35-ის მანევრების გამო პოლონურმა თვითმფრინავმა დაკარგა სიმაღლე, მაგრამ მოახერხა უსაფრთხოდ დაშვება მიხაილ კოგალნიცეანუს აეროპორტში, Ზარალის გარეშე.

პოლონეთის სასაზღვრო პოლიციის L410 Turbolet რუმინული ეკიპაჟით პატრულირებდა შავ ზღვას ევროკავშირის სასაზღვრო კონტროლის სააგენტოს Frontex-ის მისიის ფარგლებში. ტორეხონში ნატოს ბაზაზე მომხდარი ინციდენტის დროს რუმინეთის საჰაერო ძალების ორი საბრძოლო თვითმფრინავი და ესპანეთის ორი სამხედრო თვითმფრინავი მზადყოფნაში იყო მოყვანილი.

ინციდენტის გარემოებების გარკვევის მიზნით რუმინეთი მოლაპარაკებებს აწარმოებს ფრონტექსთან და პოლონეთთან.

მოსკოვს ჯერ არ გაუკეთებია კომენტარი აღნიშნულ ინციდენტზე.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული