„მნიშვნელოვანია, არა ვინ დანიშნავს მთავარ პროკურორს, არამედ როგორი იქნება ის. ამიტომ ძალიან მნიშვნელოვან პროცესს ხმამაღალი თემებით ნუ გადავფარავთ“, – ამის შესახებ პარლამენტის თავჯდომარე დავით  უსუფაშვილმა მთავარი პროკურორის არჩევის წესთან დაკავშირებით დასმული  კითხვის საპასუხოდ განაცხადა.

უსუფაშვილის თქმით,  იზოლირებულად არც ერთი საკითხის განხილვა არ ღირს.

„სწორია ის  მიმართულება, რაც მთავრობამ აირჩია. შექმნა სამუშაო ჯგუფები, კომისიები.  სწორია ის მიმართულება, რაც არასამთავრობო სექტორმა წამოიწყო – ასეთი კონფერენციები და განხილვები. იზოლირებულად არც ერთი საკითხის განხილვა არ ღირს. ყველას გთხოვთ და გირჩევთ, ასეთი ხმამაღალი თემებით ნუ გადავფარავთ ძალიან მნიშვნელოვან პროცესს. ვინ დანიშნავს მთავარ პროკურორს,ეს არ არის მნიშვნელოვანი. მნიშვნელოვანია, როგორი იქნება ეს პროკურორი. მოდელები ბევრია კონსტიტუციის ჩარჩოებში, კონსტიტუციის მიღმა და ამაზე მსჯელობა იქნება“, –  აღნიშნა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო