2015-06-25 20:26:38, 713 ნახვა
ეკონომიკა
ჰიდროკვანძის პრობლემაზე ცენტრალური და ფოთის მთავრობა იზრუნებს
ფოთის მერი ირაკლი კაკულია, ჰიდროკვანძის (ხიდი) პრობლემის შემსწავლელ ჯგუფთან ერთად, სახელმწიფო ქონების ეროვნული სააგენტოს, სამეგრელო-ზემო სვანეთის მომსახურების ცენტრის უფროსს გოჩა კანკავას შეხვდა.
შეხვედრაზე იმსჯელეს ხიდის ( ჰიდროკვანძის) პრობლემასთან დაკავშირებულ საკითხებსა და ამოცანებზე.
ფოთის ჰიდროტექნიკური ნაგებობა, იგივე ხიდი მდინარე რიონზე რამდენიმე წელია ავარიულ მდგომარეობაშია, რომლის რეაბილიტაცია სერიოზულ ფინანსურ სახსრებს საჭიროებს.
ქალაქ ფოთის მუნიციპალიტეტის მერიას, ხიდის პრობლემასთან დაკავშირებით დაწყებული აქვს პრაქტიკული მუშაობა, შესაბამის სახელმწიფო უწყებებსა და სამსახურებთან ერთად, დამუშავების პროცესშია სარეაბილიტაციო პროგრამა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
