აჭარის ავტონომიური რესპუბლიკის მთავრობის თავმჯდომარე ზურაბ პატარაძე აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ეწვია და უწყების საქმიანობას გაეცნო.

თავმჯდომარემ შეხვედრა გამართა მინისტრთან და მინისტრის მოადგილეებთან.

„აჭარის ჯანდაცვის სამინისტრო რეგიონში ერთ-ერთი წარმატებული უწყებაა და მას გამართული მენეჯმენტი ჰყავს. ვიცი, რომ სამინისტრო რეგიონის მოსახლეობისთვის მნიშვნელოვან პროექტებს ახორციელებს. ამ დღეებში ბევრი დადებითი შეფასება მოვისმინე თქვენი მისამართით, რითაც ძალიან მოხარული ვარ. მადლობას გიხდით განვლილი საქმიანობისთვის და მომავალში კიდევ მეტ წარმატებას მივაღწევთ“, - აღნიშნა ზურაბ პატარაძემ.

შეხვედრის დასრულების შემდეგ მთავრობის თავმჯდომარემ დეპარტამენტებში გადაინაცვლა, თანამშრომლებს გაესაუბრა და მათ საქმიანობას გაეცნო.

„ჩვენ გავაგრძელებთ იმ პროექტების განხორციელებას, რომელიც დაწყებული გვაქვს და მოსახლეობის წინაშე აღებულ ვალდებულებას ბოლომდე მივიყვანთ. აგვისტოს თვიდან აქტიურად დავიწყებთ მუშაობს 2017 წლის პროგრამების შემუშავებაზე, მოხდება ყველა მნიშვნელოვანი საკითხის ანალიზი და საჭიროების შემთხვევაში ასახული იქნება მომავალი წლის პროექტებში. სამინისტრო, საბოლო გადაწყვეტილებას საზოგადოებასთან და არასამთავრობო ორგანიზაციებთან კონსულტაციის შემდეგ მიიღებს“, - განაცხადა ნუგზარ სურმანიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო