თურქეთში სირიელ ლტოლვილთა ბანაკში 30 ბავშვი სექსუალური ძალადობის მსხვერპლი გახდა, - ამის შესახებ ინფორმაციას ბრიტანული გამოცემა The Telegraph და თურქული მედია იუწყება.

როგორც მედია საშუალება წერს, გაზიანტეპის პროვინციის ნიზიპის ბანაკში ძალადობის მსხვერპლი 8-დან 12 წლამდე ასაკის ბავშვები გახდნენ.

წინასწარი ინფორმაციით, სექსუალურ ძალადობაში 29 წლის ეჭვმიტანილი ბანაკში დამლაგებლად მუშაობდა. ის 2015 წლის სექტემბერში დააკავეს.

The Telegraph-ი გამოძიებაზე დაყრდნობით წერს, რომ მამაკაცი 3 თვის განმავლობაში ახორციელებდა სექსუალურ ძალადობას ბავშვების მიმართ, სანაცვლოდ კი მათ 0,5-1.5 დოლარს სთავაზობდა. ბრალდებულს 289 წლით თავისუფლების აღკვეთა ემუქრება.

სექსუალური ძალადობის მსხვერპლი 8 ბავშვის ოჯახმა პროკურატურაში განცხადება შეიტანა, დანარჩენმა მშობლებმა კი უარი თქვეს სამართალდამცველებისთვის მიმართვაზე, რადგან შიშობენ, რომ ლტოლვილის სტატუსს დაკარგავენ.

ცნობისთვის, ნიზიპის ლტოლვილთა ბანაკში 14 000 სირიელი ცხოვრობს. ეს სწორედ ის ბანაკია, სადაც გასულ თვეს გერმანიის კანცლერი ანგელა მერკელი და ევროკავშირის საბჭოს პრეზიდენტი დონალდ ტუსკი იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული