ფრაქცია "თავისუფალი დემოკრატები" ლარის გაუფასურების გამო მთავრობის ეკონომიკური გუნდის წარმომადგენლებს პარლამენტში იბარებენ.

ფინანსთა მინისტრს ნოდარ ხადურს და ეკონომიკის მინისტრს გიორგი კვირიკაშვილს ფრაქციის სახელით შესაბამისი წერილი უკვე გადაეგზავნათ.

"ქვეყანაში შექმნილია უკიდურესად მძიმე ეკონომიკური ვითარება, ბოლო სამი თვის განმავლობაში ლარი 20%-ით გაუფასურდა. ხელისუფლება და მთავრობა მოსახლეობას სთავაზობს მტკნარ ტყუილს, რომ თითქოს ყველაფერი კარგად არის. საზოგადოება სხვა რეალობაში ცხოვრობს და სხვა რეალობაში ცხოვრობს მთავრობა. ჩვენ - "თავისუფალი დემოკრატები" მოვითხოვთ, მოვიდნენ ეკონომიკური გუნდის წარმომადგენლები ფრაქციის სხდომაზე და წარმოადგინონ ანგარიში, თუ რა გააკეთეს იმისთვის, რომ ქვეყანა ეკონომიკურ კოლაფსში არ ჩავარდეს. დღეს მიღებული გადაწყვეტილებები იქნება განმაპირობებელი იმისა, გაგრძელდება და გაღრმავდება თუ არა ეკონომიკური კრიზისი, თუ რეალურად შეუძლიათ რამის გაკეთება", - განცხადა ფრაქცია "თავისუფალი დემოკრატების" ხელმძღვანელმა ირაკლი ჩიქოვანმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს