"აფხაზური დელეგაციის თურქეთში ვიზიტი ის საფრთხე არაა, რის გამოც, მაგალითად, მე უნდა ვინერვიულო. თქვენ გაქვთ უფლება ინერვიულოთ, თქვენ ინერვიულეთ, ღმერთმა შეგარგოთ", - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა ოკუპირებული აფხაზეთის დე ფაქტო საგარეო საქმეთა მინისტრის თურქეთში ვიზიტთან დაკავშირებით, ჟურნალისტის დასმულ კითხვაზე საპასუხოდ განაცხადა.
მისივე თქმით, თურქეთი ძალიან სანდო სახელმწიფოა და  საქართველოს საწინააღმდეგო ნაბიჯებს არასოდეს გადადგამს.
"ეს არაფორმაულური, არაოფიციალური მოქმედებებია.არავითარი ოფიციალური მიღებები იქ არ ხდება. თურქეთი არის ჩვენი მეგობარი სახელმწიფო. არასდროს თურქეთი საქართველოს საწინააღმდეგო ნაბიჯებს არ გადადგამს.თქვენ რა გგონიათ აფხაზებისთვის სასარგებლოდ გააკეთებს, საქართველოსთან დაპირისპირება იქნება? გამორიცხულია. ბაღაფში იყო ჩასული სააკაშვილის დროს თუქრეთში. არ დაგავიწყდეთ. ბაღაფშიც კი ჩავიდა, მაგრამ ამით არაფერი არ მომხდარა.თურქეთი არის ძალიან სანდო სახელმწიფო და თურქეთი არასდროს არ გადალახავს ოფიციალურ და არაოფიციალურ საზღვრებს.მან კარგად იცის, სად არის კერძო პირი და სად არის ოფიციალური სიტუაცია. თქვენი ნებაა, თქვენ უნდა დაუჯეროთ აფხაზურ პროპაგანდას, ვერ აგიკრძალავთ მაგას. ვიზიტების სიხშირე დაითვალეთ და თამამად გეტყვით, რომ ადრე უფრო მეტი სიხშირით იყო. მოდით, ავდგეთ და დავითვალოთ. ბაღაფში არის ყველაზე მნიშვნელოვანი. არძინბა იყო შევარდნაძის დროს ნიუ-იორკში. ეს ის საფრთხე არაა, რის გამოც, მაგალითად, მე უნდა ვინერვიულო. თქვენ გაქვთ უფლება ინერვიულოთ, თქვენ ინერვიულეთ, ღმერთმა შეგარგოთ",-განაცხადა პაატა ზაქარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი