მთიან ყარაბაღში ვითარების ესკალაცია თურქეთის ბრალია, - ამის შესახებ ე.წ. მთიანი ყარაბაღის დე-ფაქტო პრეზიდენტის პრესმდივანმა დავით ბაბაიანმა განაცხადა.

„ჩვენ ყოველთვის ვაცხადებდით, რომ აზერიბაიჯანის მსგავსი ქმედებები, მხოლოდ აზერბაიჯანის ინიციატივა არ არის. მას გარკვეული ძალები უჭერენ მხარს, მათ შორის, პირველ რიგში თურქეთი“, - აღნიშნა ბაბაიანმა.

მისივე თქმით, რეგიონში ვითარების მსგავსი ესკალაცია 1994 წლის შემდეგ არ ყოფილა.

„აზერბაიჯანის შეიარაღებული ძალები მძიმე ტექნიკას იყენებენ. ფრონტის ხაზის გარკვეულ მონაკვეთებზე ისინი ფრონტის გარღვევას ცდილობენ, თუმცა ადეკვატურ პასუხს იღებენ და დიდი დანაკარგით თავიანთ პოზიციებზე ბრუნდებიან“, - განაცხადა დავით ბაბაიანმა.

ცნობისთვის, კონფლიქტის ზონაში სიტუაციის ესკალაციის შესახებ ცნობები დღეს დილით გავრცელდა. აზერბაიჯანი და სომხეთი ფრონტის ხაზზე არსებულ ვითარებაზე ურთიერთგამომრიცხავ ინფორმაციას ავრცელებენ. ბაქო სომხური ტექნიკის და ცოცხალი ძალის დიდ დანაკარგებზე საუბრობს, თავის მხრივ ერევანში აზერბაიჯანელი სამხედროების განადგურების შესახებ აცხადებენ.

მთიანმა ყარაბაღმა, რომელიც ძირითადად ეთნიკური სომხებით არის დასახლებლი, საკუთარი დამოუკიდებლობის შესახებ 1991 წელს გამოაცხადა, რასაც შეიარაღებული კონფლიქტი მოჰყვა. მას შემდეგ, რაც აზერბაიჯანის რეგიონმა დამოუკიდებლობა გამოაცხადა, სომხურმა შეიარღებულმა ძალებმა მისი ოკუპაცია მოახდინეს. ოკუპირებულია ასევე მთიანი ყარაბაღის მიმდებარედ აზერბაიჯანის 7 რაიონი. 1994 წელს აზერბაიჯანმა და სომხეთმა ცეცხლის შეწყვეტის შესახებ შეთანხმება გააფორმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა