18 დეკემბერს დიდი ბრიტანეთის მთავრობამ უმსხვილეს რუსულ ნავთობკომპანიებს, მათ შორის რუსნეფტსა და ტატნეფტს სანქციები დაუწესა - სანქციების ახალი პაკეტი შეეხება რუსეთთან დაკავშირებულ 24 ფიზიკურ და იურიდიულ პირს. 

ოქტომბერში Reuters-მა გაავრცელა ინფორმაცია, რომლის თანახმადაც, 2025 წლის ოქტომბერში საქართველოში რუსულმა კომპანია რუსნეფტმა, შავი ზღვის სანაპიროზე, ყულევში ახალაშენებულ ნავთობგადამამუშავებელ ქარხანას ნავთობის პირველი პარტია მიაწოდა.

LSEG-ისა და ერთ-ერთი ტრეიდერის ინფორმაციით, ტანკერმა კაისერმა 105 340 ტონა Siberian Light მარკის ნავთობი რუსეთის შავი ზღვის პორტიდან, ნოვოროსიისკიდან ჩაიტანა ყულევის ნავთობტერმინალში - 6 ოქტომბერს.

მოგვიანებით, ფინანსთა სამინისტროს შემოსავლების სამსახურმა დაადასტურა, რომ პანამის დროშის ქვეშ მცურავი გემი კაისერი ყულევის პორტში ოქტომბრის დასაწყისში შევიდა. მას რუსული კომპანიისთვის განკუთვნილი 100 000 ტონამდე ნედლი ნავთობი გადაჰქონდა.

ყულევის ნავთობგადამამუშავებელმა ქარხანამ წელიწადში 1 200 000 ტონა ნავთობი უნდა გადაამუშაოს.

ამის შემდეგ, გამოცემა პროექტმა ჩაატარა კვლევა, რომლის ფარგლებშიც აღმოაჩინა, რომ საქართველოში აშენებული პირველი ნავთობგადამამუშავებელი ქარხნის დამფუძნებლის და მფლობელის, მაკა ასათიანის ოჯახი რუსეთის სამხედრო დაზვერვის (ГРУ) უფროსის მოადგილის ოჯახის ბიზნესპარტნიორია.

მან გამოავლინა, რომ მაკა ასათიანის შვილი და ვლადიმერ ალექსეევის, შეიარაღებული ძალების გენერალური შტაბის (ГРУ) მთავარი დირექტორატის უფროსის პირველი მოადგილის შვილი - ერთობლივ ბიზნესს მართავენ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი