ისრაელის თავდაცვის ძალებმა (IDF) ქალაქ ღაზას ოკუპაციის მიზნით სახმელეთო შეტევა დაიწყო. Axios-ის ცნობით, ისრაელის პრემიერ-მინისტრის, ბენიამინ ნეთანიაჰუს მთავრობა აცხადებს, რომ ოპერაციის მიზანი „ჰამასის“ ამოძირკვაა.

გამოცემა წერს, რომ შეტევა აშშ-ის სახელმწიფო მდივნის, მარკო რუბიოსა და ნეთანიაჰუს კაბინეტის მაღალჩინოსან წევრებს შორის გამართული შეხვედრიდან რამდენიმე საათში დაიწყო.

„უნდა გვახსოვდეს, ვისთან გვაქვს საქმე — ეს არის ადამიანების ჯგუფი, რომლებმაც თავიანთი ცხოვრება ძალადობასა და ბარბაროსობას მიუძღვნეს. რამდენადაც არ უნდა გვინდოდეს, რომ არსებობდეს ამის დასრულების მშვიდობიანი, დიპლომატიური გზა, ასევე უნდა ვიყოთ მზად იმისთვის, რომ ეს შესაძლოა, არ მოხდეს“, — აღნიშნა რუბიომ.

Axios-თან საუბარში ორმა ისრაელელმა ოფიციალურმა პირმა განაცხადა, რომ რუბიომ ნეთანიაჰუს უთხრა, ტრამპის ადმინისტრაცია მხარს უჭერს სახმელეთო ოპერაციას, თუმცა სურს, რომ ის სწრაფად განხორციელდეს და რაც შეიძლება მალე დასრულდეს.

„რუბიოს სახმელეთო ოპერაციისთვის ხელი არ შეუშლია“, — განაცხადა ერთ-ერთმა ისრაელელმა მაღალჩინოსანმა.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული