30 აგვისტოს, 19:00 საათზე,  თიბისი ბანკი და „თბილისის ფოტოფესტივალი 2015“ ბათუმის „თიბისი გალერეაში“  რეზო კეზელის გამოფენას - „კაცი აკორდეონით“ უმასპინძებს. 

როგოგრც „ექსპრესნიუსს“ თიბისი ბანკიდან აცნობეს, გამოფენაზე დამთვალიერებელი ნახავს ფოტოგრაფის შემთხვევით გადარჩენილ ფოტოებს, რომლებიც  90-იანი წლების დასაწყისში, ფიზიკის ინსტიტუტის საწყობში იპოვეს.

ცნობილი ფოტოგრაფი და ოპერატორი,  რეზო კეზელი, რომელიც გასული საუკუნის 50-70 იან წლებში მოღვაწეობდა, საკუთარ ნამუშევრებში ეპოქას ეხმაურება, თუმცა რეალურად ეს არც საბჭოთა დროის პორტრეტია და არც საბჭოთა ადამიანის. ფოტოგრაფმა შეძლო, უარი ეთქვა არსებული კლიშეების გამოყენებაზე და საკუთარი ორიგინალური ფოტოგრაფიული ესთეტიკა შექმნა. 

რეზო კეზელის ეს ნამუშევრები  2014 წლის ოქტომბერში თბილისის დამთვალიერებელმა თბილისის ფოტო ფესტივალის ფარგლებში ნახა.
 გამოფენა „კაცი აკორდეონით“„ოდესა-ბათუმის ფოტო დღეების“ დასკვნით ეტაპზე იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მადიარმა ორბანის მიერ აშენებული არალიბერალური დემოკრატიის ნგრევა დაიწყო

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა