მეცნიერებმა ყველაზე მავნე პროდუქტი 7-წლიანი კვლევების შედეგად გამოავლინეს. ამჯერად, საკვები პროდუქტები, არამხოლოდ ადამიანის ჯანმრთელობაზე მავნე შედეგების მიხედვით, არამედ პლანეტაზე უარყოფითი ზეგავლენის შესაბამისადაც დაიყო.

ოქსფორდის უნივერსიტეტის და მინესოტას შტატის მეცნიერებმა ერთობლივი 7-წლიანი კვლევების შედეგი რამდენიმე დღის წინ გამოაქვეყნეს. ვერდიქტი არც თუ სახარბიელო აღმოჩნდა. გაირკვა, რომ საქონლის ხორცის მოხმარება ე.წ ნაადრევი სიბერის გარდა, ისეთი დაავადებების გამომწვევი მიზეზი შეიძლება გახდეს, როგორიცაა: მე-2 ტიპის შაქრიანი დიაბეტი, გულის დაავადებები, ინსულტი, კუჭ-ნაწლავის სიმსივნეები და ა.შ. მეცნიერება ის ფაქტიც გაითვალისწინეს, რომ მესაქონლეობის ბიზნესი, კერძოდ კი, მსხვილფეხა საქონლის ფერმები, დიდ ზიანს აყენებენ პლანეტის ატმოსფეროს. ასეთი ობიექტებიდან დიდი რაოდენობით მძიმე გაზების გამოყოფა მიმდინარეობს, შემდეგ მავნე ნივთიერებები ატმოსფეროს გარკვეულ შრეებში გროვდება, რაც ოზონის შრის დაშლაში დიდ როლს თამაშობს.

მეტი სიზუსტისთვის, - საქონლის ფერმების მიერ გამოყოფილი მავნე გაზების რაოდენობა ატმოსფეროში სახიფათო 30 პროცენტს შეადგენს. ამასთან, მკვლევარების განმარტებით, სასაქონლო ფერმებში ცხოველების გამოკვებისთვის განკუთვნილი მინდვრები მიწის 35% იკავებს, რაზეც სასმელი წლის 70%-ამდე იხარჯება. ანუ, დასკვნაზე დაყრდნობით, თამამად შეიძლება ითქვას, რომ არა მესაქონლეობა, დედამიწაზე შიმშილის და სასმელი წყლის უკმარისობის პრობლემა თავისით აღმოიფხვრებოდა.

მეცნიერებმა აგრეთვე, დღემდე უცნობი კანონზომიერება დაადგინეს, რის მიხედვითაც, რაც მეტად სასარგებლოა პროდუქტი ადამიანის ჯანმრთელობისთვის, მით ნაკლები ძალისხმევაა საჭირო მისი წარმოების დროს. დავუშვათ, ისეთმა პროდუქტებმა, როგორიც გახლავთ სავსე მარცვლოვანი მარცვლეული, მცენარეული ზეთები, თხილი, კაკალი, ხილი, ბოსტნეული "მავნებლობის ინდექსით“ მხოლოდ 3-4 ქულა აიღეს, ხოლო საქონლის ხორცმა 15-ივე.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული