2021 წელს საქართველოში ევრობასკეტის ჯგუფური ეტაპის მატჩები ჩატარდება.

 მიუნხენში მდებარე ევროპული კალათბურთის მმართველ ორგანოში 2021 წლის ევრობასკეტის ოთხი მასპინძელი ქვეყანა დასახელდა. ტურნირის მასპინძლობის სურვილის მქონე შვიდი ქვეყანა იყო – საქართველო, ჩეხეთი, ესტონეთი, გერმანია, უნგრეთი, იტალია და სლოვენია.

გამარჯვებულ ოთხ ქვეყანას შორის საქართველოც მოხვდა.

ჩვენი ქვეყნის გარდა, 2021 წელს ჯგუფურ ეტაპს უმასპინძლებენ ჩეხეთი, გერმანია და იტალია.

მიუნხენში კენჭისყრას საქართველოს პრეზიდენტი სალომე ზურაბიშვილი, გერმანიაში საქართველოს ელჩი ელგუჯა ხოკრიშვილი, კალათბურთის ფედერაციის პრეზიდენტი პაატა გურასპაული, ასევე, კალათბურთელები თორნიკე შენგელია და ვლადიმერ ბოისა ესწრებოდნენ.

FIBA-ს ევროპის პრეზიდენტმა, თურგაი დემირელმა საქართველოს პრეზიდენტს მიულოცა და ცერემონიაზე დასწრებისთვის მადლობა გადაუხადა. „მადლობა, რომ შემოგვიერთდით. გილოცავთ. ეს დიდი მიღწევაა, საუკეთესოს გისურვებთ ტურნირის მანძილზე“,  – მიმართა მან სალომე ზურაბიშვილს.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ