„ქართული ოცნება - დემოკრატიული საქართველოს“ დამფუძნებელმა ბიძინა ივანიშვილმა რეგიონული მედიის წარმომადგენლებთან შეხვედრაზე, სამართლიანობის აღდგენასთან დაკავშირებით დასმულ კითხვაზე განაცხადა: „ქართულ ოცნებას აქვს რესურსი და გარწმუნებთ, რომ სამართლიანობის აღდგენის მხრივ ძალიან ბევრი დაისაჯა. მე მგონი ოქროს კვეთი აქ ვნახეთ...

ქონებრივს რაც შეეხება, აქ კითხვები კიდევ არის და გრძელდება. ძალიან ბევრს წართმეული ქონება ჰქონდა და დაბრუნებას საჭიროებს, კიდევ გასაგრძელებელია“.

„სამართლიანობის აღდგენას რაც შეეხება, დასჯას იმ ხალხისა, ვინც ძალადობდა საკუთარ საზოგადოებაზე, ნახეთ აბა - პრეზიდენტი დევნაშია, მთავარი პროკურორი დევნაშია და გაქცეულია, თავდაცვის მინისტრი ციხეშია, შინაგან საქმეთა მინისტრი ციხეშია, ქალაქის მერი ციხეშია და ძალიან ბერი კიდევ...

ამის გაკეთება და დემოკრატიულობის შენარჩუნება ძნელია - მსოფლიოში ქვეყანას ვერ ნახავთ, საოცრება გავაკეთეთ, საოცრება მოვახდინეთ... პირველი წელიწადი მე ყველაზე მეტ დროს ვხარჯავდი სტრატეგიული პარტნიორების, ამერიკის შეერთებული შტატებისთვის და ევროპისთვის განმარტებები რომ გამეკეთებინა, რას ვაკეთებდით. ყველა მიმართულებით ნახეთ რეიტინგები.

კითხვის ნიშნები აღარაა, ამერიკაში იციან, რომ ნამდვილი დემოკრატიული ქვეყანა მოვიდა. მსგავსი დაპატიმრებებით მსოფლიოში ქვეყანას ვერ ნახავთ, სამართლიანობას რაც შეეხება.  ამდენი მაღალჩინოსანი დაპატიმრებულია და დევნაშია და დემოკრატიულობა მაინც დავასაბუთეთ და დავუმტკიცეთ ამერიკასაც და ევროპასაც, საოცრება მოხდა“, - განაცხადა ბიძინა ივანიშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო