თუ გინდათ, რომ ეფექტური ხელისუფლება გყავდეთ, მათ მეტი დრო უნდა ჰქონდეთ, რომ თავიანთი საქმე აკეთონ და 6 საათი გზაში გამოკიდებულები არ იყვნენ, - ასე უპასუხა ყოფილა პრემიერ-მინისტრმა ბიძინა ივანიშვილმა ჟურნალისტის კითხვას - უნდა იყოს თუ არა პარლამენტი ქუთაისში განთავსებული.

მისივე თქმით, დეპუტატებს უამრავი დრო და ფული ეხარჯებათ იმაზე, რომ ქუთაისის პარლამენტში ჩავიდნენ.

"ეს ქმნის ძალიან ბევრ პრობლემას. უამრავი ტრანსპორტი იმტვრევა, უამრავი საწვავი იწვის. ყველაფერი ღირს ფული და ეს მიდის ბიუჯეტიდან. ეს ქუთაისს ბევრს არაფერს მოაკლებს. ქუთაისი უნდა გახდეს ინდუსტრიული ქალაქი. ამის ყველანაირი პერსპექტივა არსებობს და ეს აუცილებლად მოხდება. როდესაც სააკაშვილს პრემიერობის დროს ვკითხე, თუ რატომ გადაიტანა მან პარლამენტი თბილისიდან  ქუთაისში, მითხრა მიტინგებს ვეღარ გამართავენო. თურმე მიტინგების ეშინოდა მაგ უბედურს. ეს გადმოტანის ძირითადი მიზეზი იყო", - აღნიშნა ივანიშვილმა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო