შიდა ქართლის გუბერნატორის მოვალეობის შემსრულებელმა იოსებ ოქრომელიძემ და ქარელის მუნიციპალიტეტის გამგებელმა ზაზა გულიაშვილმა ქარელის მუნიციპალიტეტის სოფლების ბრეძა-ატოცის 6 კმ-ანი გზის მონაკვეთის სამშენებლო სამუშაოები დაათვალიერეს.

შიდა ქართლის საზოგადოებასთან ურთიერთობის სამსახურის ინფორმაციით,  გზის მონაკვეთის კაპიტალური მშენებლობა „რეგიონებში განსახორციელებელი პროექტების ფონდის“ მხარდაჭერით ხორციელდება და მისი ბიუჯეტი 1 596 000 ლარს შეადგენს.

როგორც შიდა ქართლის გუბერნატორის მოვალეობის შემსრულებელმა  აღნიშნა, გზის ამ მნიშვნელოვან მონაკვეთზე ასფალსაფარის დაგება პირველად ხდება.

„ჩვენ, როგორც ადგილობრივი, ასევე ცენტრალური ხელისუფლება კონფლიქტისპირა სოფლებში მოსახლეობის სოციალური და ეკონომიკური მდგომარეობის გაუმჯობესებისთვის არაერთ პროექტს ვახორციელებთ. აღნიშნულ მონაკვეთზე ასფალტირებული გზა არასდროს ყოფილა და სულ მალე, მიმდებარე სოფლების მოსახლეობა გადაადგილებას მაღალი ხარისხის ახალი გზის საშუალებით შეძლებს. აღნიშნული გზის სამშენებლო სამუშაოებზე ადგილობრივი მოსახლეობაა დასაქმებული, რაც ორმაგად მნიშვნელოვანია მათი სოციალური მდგომარეობის გაუმჯობესებისთვის“ – აღნიშნა იოსებ ოქრომელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი