საერთაშორისო ატომური ენერგიის სააგენტომ განაცხადა, რომ 12 აგვისტოსს დროებით ოკუპირებული ზაპოროჟიეს ატომური ელექტროსადგურის გამაგრილებელ კოშკებთან გაჩენილი ხანძარი ბირთვულ უსაფრთხოებას საფრთხეს არ უქმნის. სააგენტოს გენერალურმა დირექტორმა, რაფაელ გროსიმ, დაადასტურა, რომ ინციდენტის დროს რადიაციის მომატებული დონე არ დაფიქსირებულა.

სამშაბათს, უკრაინის ხელისუფლებამ ზაპოროჟიეს ატომური ელექტროსადგურის მახლობლად ძლიერი კვამლის შესახებ განაცხადა: ხანძარი, როგორც გაირკვა, სატვირთო პორტთან ახლოს გაჩნდა, რომელიც თავად ატომური ელექტროსადგურის დაცული პერიმეტრის გარეთ მდებარეობს. „ინციდენტი კიდევ ერთხელ ამახვილებს ყურადღებას ევროპაში უდიდესი ატომური ობიექტის რუსული ოკუპაციით გამოწვეულ საფრთხეებზე“, - ნათქვამია უკრაინის ენერგეტიკის სამინისტროს განცხადებაში.

ზაპოროჟიეს რეგიონში რუსეთის საოკუპაციო ხელისუფლების ხელმძღვანელი, ევგენ ბალიცკი, აცხადებს, რომ უკრაინის შეიარაღებულმა ძალებმა ატომური ელექტროსადგურის დაბომბვა სცადეს და შედეგად მშრალი ბალახი დაიწვა.

ზაპოროჟიეს ატომური ელექტროსადგური, ევროპაში უდიდესი ობიექტი, სრულმასშტაბიანი ომის პირველი დღეებიდან რუსეთის მიერ კონტროლდება და ელექტროენერგიას არ აწარმოებს.

19 ივლისს, როგორც გაირკვა, ტყის ხანძრების გამო ატომური ელექტროსადგურის ტერიტორიაზე კვამლიც დაფიქსირდა. ბირთვული უსაფრთხოებისთვის საფრთხე არ არსებობდა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო