2020-12-21 14:03:14, 5807 ნახვა

---

ამირან გამყრელიძე აცხადებს, რომ მთავრობას შეზღუდვების მოხსნაზე გადაწყვეტილება, ჯერჯერობით, არ მიუღია

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, მთავრობას შეზღუდვების მოხსნასთან დაკავშირებით გადაწყვეტილება, ჯერჯერობით,არ მუღია.

მანვე დასძინა, რომ გრძელდება მსჯელობა და 24 დეკემბრიდან შეზღუდვების მოხსნასთან დაკავშირებით პოზიციების შეჯერება მიმდინარეობს.

"ჯერჯერობით გადაწყვეტილება მიღებული არ არის, მსჯელობა დღეს კიდევ გაგრძელდება დღის მეორე ნახევარში. გარკვეული მონახაზები არის რაზეც მთავრობამ თავის დროზე, 24-თან დაკავშირებით განაცხადა, პოზიციების შეჯერება მიმდინარეობს.

არ არის მარტივი გადაწყვეტილება, რადგან ჩვენ გვაქვს ჯეჯერობით დიდი რიცხვები, მიუხედავად ქვეყანაში ეპიდემიის სტაბილიზაციაა, რაც შეზღუდვები დაწესდა. მიუხედავად ამისა, ინციდენტობის მაჩვენებელი კვლავ ძალიან საყურადღებოა და უნდა ყველა საკითხი კარგად იქნეს აწონილი და ისე უნდა იქნეს გადაწყვეტილება მიღებული", - განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი