"ქართული ოცნების" პარლამენტის ფინანსთა და ბიუჯეტის კომიტეტმა უარყო ყოფილი პრემიერის გახარიას ფრაქცია „საქართველოსთვის“-ს ალტერნატიული საკანონმდებლო წინადადება მსუბუქი ავტომობილების განბაჟებასთან დაკავშირებით.

ოპოზიციის წინადადება ითვალისწინებს 10 წლამდე იმპორტირებულ მსუბუქი ავტომობილებზე აქციზის გადასახადის მოქმედი განაკვეთის შენარჩუნებას და 4.5 ლარის ოდენობის ტარიფის გამოყენებას მხოლოდ 10 წელზე უფროსი ასაკის ავტომობილებზე.

ამავდროულად, კომიტეტმა მეორე მოსმენით მხარი დაუჭირა ფრაქცია „ქართული ოცნების“ წევრების წინადადებას, რომლის მიხედვითაც აქციზის გადასახადის განაკვეთი 6 წლამდე ასაკის ავტომობილებისთვის ძრავის მოცულობის 1 სმ³-ზე 1.5 ლარს, ხოლო 6 წელზე უფროსი ასაკის ავტომობილებისთვის 1 სმ³-ზე 4.5 ლარს დაადგენდა.

კანონპროექტი, რომელიც მნიშვნელოვნად გაზრდის 6 წელზე უფროსი ასაკის ავტომობილების განბაჟების ღირებულებას, პარლამენტში 1 აპრილს, მეორე და მესამე მოსმენით, დაჩქარებული წესით განიხილება.

ფრაქცია „საქართველოსთვის“-ს ალტერნატიული საკანონმდებლო წინადადება ასევე წარდგენილი იქნება პლენარულ სხდომაზე.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება