გამოცემა The Times of Israel-ის ინფორმაციით, აშშ-ის პრეზიდენტი, დონალდ ტრამპი ირანის წინააღმდეგ სახმელეთო ოპერაციის დაწყებისკენ იხრება, ვაშინგტონი კი დარწმუნებულია, რომ ასეთი სამხედრო ზეწოლის ქვეშ, ირანი დანებდება. გამოცემის ცნობით, მათ ეს ინფორმაცია აშშ-სა და ირანს შორის ერთ-ერთი შუამავალი ქვეყნის წარმომადგენელმა მიაწოდა.

გამოცემა Axios-ის ინფორმაციით, პენტაგონი სამხედრო ვარიანტებს განიხილავს ირანისთვის "საბოლოო დარტყმის" მისაყენებლად, რაც შესაძლოა, სახმელეთო ძალების გამოყენებასა და დაბომბვის მასობრივ კამპანიას მოიცავდეს. ამის შესახებ გამოცემა აშშ-ს ორ მაღალჩინოსანსა და ორ ინფორმირებულ წყაროზე დაყრდნობით წერს. 

Axios-ის ინფორმაციით, აშშ-ს არმიას უკვე მომზადებული აქვს ირანის სიღრმეში სახმელეთო ოპერაციის გეგმები, რომლის მიზანიც ბირთვულ ობიექტებში დამარხული გამდიდრებული ურანის ხელში ჩაგდება და ირანიდან გამოტანაა. 

თუმცა, მსგავსი სარისკო ოპერაციის ჩატარების ნაცვლად, აშშ-მ შესაძლოა, მასშტაბური საჰაერო იერიშები მიიტანოს ბირთვულ ობიექტებზე, რათა ირანმა ვეღარასდროს აღიდგინოს გამდიდრებულ ურანზე წვდომა. 

ავტორი: ექსპრესნიუსი,

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა