აზერბაიჯანმა ნავთობპროდუქტები რკინიგზით სომხეთში რკინიგზით გადაიტანა, რაც ათწლეულების განმავლობაში პირველი ასეთი ექსპორტია და ორ ქვეყანას შორის ურთიერთობების ნორმალიზების მცდელობებში მნიშვნელოვანი გარღვევაა.

ამის შესახებ იტყობინება Euronews.

ხუთშაბათს, 22 რკინიგზის ვაგონი, რომელიც აზერბაიჯანის სახელმწიფო ნავთობკომპანია SOCAR-ის მიერ წარმოებული 1210 ტონა AI-95 ბენზინით იყო დატვირთული, სომხეთში საქართველოს გავლით გადაიტანეს.

ორივე ქვეყნის ოფიციალურმა პირებმა განაცხადეს, რომ ეს ექსპორტი მნიშვნელოვანი ნაბიჯია, რომელიც პოლიტიკურ განცხადებებს სცილდება და მშვიდობის პრაქტიკულ ეკონომიკურ სარგებელს აჩვენებს.

საწვავის მიწოდება 28 ნოემბერს აზერბაიჯანის ჩრდილო-დასავლეთით, გაბალაში მიღწეული შეთანხმების შედეგია, სადაც აზერბაიჯანის ვიცე-პრემიერი შაჰინ მუსტაფაევი თავის სომეხ კოლეგას, მჰერ გრიგორიანს შეხვდა.

ამჟამად სომხეთი თავისი საწვავის 60%-ზე მეტს რუსეთიდან - 230 000 ტონა ბენზინი და 175 000 ტონა დიზელის საწვავი 2024 წელს - იმპორტირებს, დანარჩენი კი ირანიდან, რუმინეთიდან, მალტიდან და თურქეთიდან მოდის.

8 აგვისტოს, აზერბაიჯანის პრეზიდენტმა ილჰამ ალიევმა და სომხეთის პრემიერ-მინისტრმა ნიკოლ ფაშინიანმა თეთრ სახლში, აშშ-ის პრეზიდენტ დონალდ ტრამპის თანდასწრებით, ხელი მოაწერეს შეთანხმებას, რომელიც მოიცავს სატრანზიტო დერეფნის შექმნას, რომელსაც „ტრამპის მარშრუტი საერთაშორისო მშვიდობისა და კეთილდღეობისთვის“ ეწოდა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი