არასამთავრობო ორგანიზაციების წინააღმდეგ დაწყებლ გამოძიებას "სასაცილოს" უწოდებს "საერთაშიროს გამჭვირვალობა - საქართველოს" ხელმძღვანელი ეკა გიგაური. 

მისი თქმით, პროკურატურა NGO-ებს ედავება პირბადეებსა და დამცავი საშუალებების შეძენას, თითქოსდა ეს სახელმწიფოს გადატრიალებისთვის იყო განკუთვნილი.

გიგაურის შეფასებით, "ოცნების" ხელისუფლების მთავარი მიზანია ბრალდებებით ევროკავშირს აჩვენოს, რომ უვიზო მიმოსვლა მათ ინტერესში არ შედის, ხოლო დემონსტრანტები დახმარების გარეშე დატოვოს.

ყველა ეს ბრალდება არის სასაცილო, იმიტომ, რომ ფაქტობრივად, ამ ადამიანებს ედავებიან, რომ მათ იყიდეს პირბადეები და დამცავი საშუალებები მაშინ, როდესაც დღეების განმავლობაში აბსოლუტურად უკანონოდ პოლიცია არბევდა მშვიდობიან დემონსტრაციას. ფაქტობრივად, პროკურატურა ედავება არასამთავრობო ორგანიზაციებს იმას, რომ რატომ იყიდეს მათ პირბადეები და ამ პირბადეებით თითქოსდა ისინი აპირებდნენ სახელმიფო გადატრიალებას. ეს არის ძალიან სასაცილო, რასაც ჩვენ ვუყურებთ. მთავარი მათი მიზანი არის ის, რომ პირველ რიგში, გაუგზავნონ კონკრეტული გზავნილი ევროავშირს და უთხრან მათ, რომ საქართველოს დღევანდელი მთავრობის ინტერესში არ არის, რომ საქართველოს მოსახლეობას ჰქონდეს უვიზო მიმოსვლა. არ უნდათ, რომ შენარჩუნდეს უვიზო მიმოსვლა ევროკავშირთან ჩვენი მოქალაქეებისთვის. და, მეორე არის ის, რომ მათ უნდათ, რომ ჩვენი მოქალაქეები დარჩნენ დახმარების გარეშე მაშინ, როდესაც ეს ადამიანები უკანონო ქმედებებს იღებენ, - ამბობს ეკა გიგაური. 

შეგახსენებთ, რომ გუშინ თბილისის საქალაქო სასამართლომ, ვატო შაქარაშვილის ორგანიზაციის საჩივრის საფუძველზე და პროკურატურის შუამდგომლობით, 7 არასამთავრობო ორგანიზაციის საბანკო ანგარიშები დააყადაღა. 

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო