საქართველოს მთავრობის გადაწყვეტილებით, ფოთის პერსპექტიული განვითარებისათვის, მალთაყვის რეკრეაციულ ზონაში, ზღვის სანაპირო ზოლზე ბულვარის მშენებლობა-კეთილმოწყობის პირველი ეტაპის სამუშაოები ინტენსიურად დაიწყო.

ფოთის მერიის ინფორმაციით, სამუშაოებისთვის 4 მილიონ 180 ათასი ლარია გამოყოფილი, საიდანაც მიმდინარე წელს მილიონი ლარი იქნება ათვისებული.

„ფოთის მუნიციპალიტეტის მერიის მიერ გამოცხადებულ ტენდერში გამარჯვებული კომპანია ,,პირამიდა f r''-ის ფილიალი, პროექტირების შემდეგ, პირველი ეტაპის სამუშაოებს უკვე შეუდგა. დაწყებულია ცენტრალური საავტომობილო ტრასიდან ზღვის ნაპირთან მისასვლელი გზის მშენებლობა, რომლის სიგრძე 570 მეტრია, სიგანე-6-8 მეტრი. აქტიურად მიმდინარეობს გზის საფუძვლის მოშანდაკება, ასევე, ზღვის სიახლოვეს ქვიშოვანი და მცენარეული გრუნტების მოხსნა, სამუშაოებში ჩართულია გრეიდერები, ბულდოზერები, დამტვირთველ-ექსკავატორები, სატვირთო თვითმცლელი ავტომანქანები.გზის ყრილისა და ქვედა საფუძვლის მოსაწყობად, პარალელურად დაიწყება ბალასტის შემოტანა, გზის მშენებლობის შემდგომი ეტაპი ტროტუარების, ბორდიურებისა და სხვა ინფრასტრუქტურული კვანძების მოწყობა იქნება, რაც მოასფალტებით დასრულდება. მთლიანად სანაპირო ზოლზე გათვალისწინებულია გაზის, ელექტროენერგიის, წყლის, საკანალიზაციო კომუნიკაციების გაყვანა და ტურისტული ინფრასტრუქტურის განვითარებისთვის სათანადო პირობების შექმნა.

პროექტის სრული ღირებულება 18 მილიონ 507 ათას ლარს შეადგენს, რომლის რეალიზების შემდეგ მალთაყვის საკურორტო-დასასვენებელი ზონა თანამედროვე სარეკრეაციო არეალად გადაიქცევა“, - ნათქვამია ფოთის მერიის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი