„საქართველოს მილიარდელმა დირექტორმა,  მოტყუებულ ქართველ ხალხს დასცინა და სულში ჩააფურთხა“, – ასე აფასებს  „ლეიბორისტული“ პარტიის ლიდერი შალვა ნათელაშვილი ყოფილი პრემიერის ბიძინა ივანიშვილის გუშინდელ ინტერვიუს.
მან ივანიშვილის განცხადებას,  ლარის კურსთან დაკავშრებით, ცინიზმი უწოდა.
„ცინიზმი იქამდე მივიდა, რომ ლარის გაუფასურება თუ სოციალურ–ეკონომიკური კატასტროფა სრულიად ჯანსაღად გამოაცხადა. საქართველოს  მილიარდელმა დირექტორმა, კიდევ ერთხელ დასცინა და სულში ჩააფურთხა მისგან არაერთხელ მოტყუებულ ქართველ ხალხს. სახეზეა რეჟიმის სისტემური კრახი“, – განაცხადა ნათელაშვილმა.
ნათელაშვილმა  ევროკავშირს მოუწოდა, „რეჟიმზე ზეწოლა მოახდინონ“.
„მივმართავთ ევროკავშირს, მოახდინონ ზეწოლა რეჟიმზე,რათა სასწრაფოდ შეიცვალოს საარჩევნო კანონმდებლობა და წავიდეთ ვადამდელ რიგგარეშე არჩევნებზე“, – აღნიშნა შალვა ნათელაშვილმა.
ცნობისთვის, გუშინ ბიძინა ივანიშვილმა ტელეკომპანია „იმედში“ ლარის კურსის ცვალებადობასთან დაკავშირებით განაცხადა, რომ „ლარი საზოგადოებას ტვირთად არ აწევს“, რადგან  მისი დოლართან მიმართებაში გაუფასურება ფასებზე არ ასახულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო