ზუგდიდის მუნიციპალიტეტის გამგეობამ საქართველოს კულტურული მემკვიდრეობის დაცვის ეროვნული სააგენტოს ნებართვის საფუძველზე, ცვანეს ადმინისტრაციულ ერთეულში მდებარე გვიანბრინჯაო - ადრერკინის ხანის ,,ერგეტის მეორე სამაროვანზე“ საველე - არქეოლოგიური კვლევა-ძიება დაასრულა.

გამგეობის ინფორმაციით, ჩატარებულ საველე - არქეოლოგიური კვლევა-ძიების დროს ძირითადად გამოვლინდა რკინის საბრძოლო და შრომის იარაღები, სხვადასხვა ძვირფასი მეტალისგან დამზადებული მძივსამკაულები (მათშორის ოქროსი), სარიტუალო და საკულტო დანიშნულების არტეფაქტები (ქანდაკებები, ზარაკები, და სხვ.). განსაკუთრებული აღნიშვნის ღირსია სტეპური რუსეთის ტერიტორიისათვის დამახასიათებელი ორი ბიმეტალური ცულწერაქვას (კლევეცი) აღმოჩენა. ამიერკავკასიის სამარხეულ კომპლექსებში ამგვარი იარაღის აღმოჩენის პირველი შემთხვევაა დაფიქსირებული და ამავე დროს აქვე აღმოჩენილ აკინაკებთან ერთად პირდაპირი მანიშნებელია ნომადურ - სკვითურ - კიმერიულ სამყაროსთან ურთიერთობის.

აღნიშნული არქეოლოგიური ძეგლი სამეცნიერო წრეებისათვის 1980 წლიდანა ცნობილი, მაგრამ უსახსრობის გამო მისი საბოლოოდ გადარჩენითი სამუშაოების შესრულება ვერ ხერხდებოდა. 2013 წლიდან ზუგდიდის მუნიციპალიტეტის გამგეობის ინიციატივითა და დაფინანსებით შესაძლებელი გახდა ძეგლის სამეცნიერო მნიშვნელობის გაზრდა და ახალი მასალების მოპოვება.

სულ მიკვლეულია ძველი წელთაღრიცხვის მეათე - მეექვსე საუკუნეების პერიოდის 13 კოლექტიური სამარხი აკლდამა და 1 საკულტო მოედანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი