ბაზისბანკის გენერალური დირექტორის დავით ცაავას განცხადებით, მნიშვნელოვანია, მიწა იყოს ლიკვიდური და არსებობდეს პოტენციური ბაზარი მყიდველებისა.

როგორც მან თემის კომენტირებისას ჟურნალისტებს განუცხადა, ბაზისბანკი ძალიან აქტიურადაა ჩართული აგრობიზნესის დაფინანსებაში  და მათ  მიზანს წარმოადგენს, მომავალში აგრომიმართულებით პორტფელი გაზარდონ.

„მიმდინარე ეტაპზე ჩვენ ვაწარმოებთ მოლაპარაკებებს, საბანკო ასოციაცია არის აღნიშნულ  მოლაპარაკებებში ჩართული. მნიშვნელოვანია, რომ მიწის თემაზე ლიკვიდობის საკითხი იყოს მაღალი, ვინაიდან ჩვენი ბანკი ძალიან აქტიურადაა ჩართული აგრობიზნესის დაფინანსებაში  და ჩვენს მიზანს წარმოადგენს, რომ მომავალში გავზარდოთ ჩვენი პორტფელი აგრომიმართულებით. შესაბამისად, ის, რომ მიწა იყოს ლიკვიდური და შესაბამისად, არსებობდეს პოტენციური ბაზარი მყიდველებისა, ჩვენთვის მნიშვნელოვანია. ამ მიმართულებით, დარწმუნებული ვარ, გარკვეული დაზუსტებები იქნება. შესაბამისად, საბანკო სექტორიც შეძლებს, რომ ხელი შეუწყოს აგრობიზნესის განვითარებას.

დღეს არ არის საუბარი იმაზე, რომ უზრუნველყოფაში ჩადებაზე იქნება ლაპარაკი. აქ არის საკუთრების უფლებაზე, რაც შესაძლებელია დარეგულირდეს ისე, რომ ამან არ შეაფერხოს აგრობიზნესის დაკრედიტება. დიდი იმედი მაქვს, საქართველოში მიწას ფასი არასდროს დაეკარგება, ვინაიდან მოგეხსენებათ ქვეყანა არ არის დიდი, შესაბამისად, ღირებულება მიწას ყოველთვის ექნება“,-აღნიშნა დავით ცაავამ.

შეგახსენებთ, 2017 წლის 26 ივნისს პარლამენტმა სასოფლო-სამეურნეო მიწების უცხოეთის მოქალაქეებისთვის მიყიდვაზე მორატორიუმი გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.