„მე არ ვეძებ არავის მხრიდან დახმარებას“, - ასე უპასუხა საქართველოს ყოფილმა პრეზიდენტმა მიხეილ სააკაშვილმა CNN-ისთვის მიცემულ ინტერვიუში წამყვანის შეკითხვას - „ხომ არ ეძებს ის დახმარებას აშშ-ის პრეზიდენტისგან“.

„ეს იყო აბსოლუტურად უკანონო ბრძანება. მე არ ვეძებ არავის მხრიდან დახმარებას. მოხდა ისე, რომ შეერთებულ შტატებში ვარ ჩემ ოჯახთან, რომლებიც ამერიკის მოქალაქეები არიან. უკრაინის მოქალაქეობა ჩამომართვეს იმავე პრობლემისა და მიზეზების გამო, რა პრობლემებიც მქონდა პუტინთან. მე წინ ვებრძვი ოლიგარქიულ და კორუფციულ რეჟიმს. მე უკრაინის პატრიოტი ვარ, მე მივიღე უკრაინის მოქალაქეობა რადგან უკრაინელმა ხალხმა მიმიწვია. პრეზიდენტმა პოროშენკომ მომანიჭა მოქალაქეობა და ის მივიღე რადგან ვფიქრობდი, რომ ისიც ერთგული იყო რეფორმების. რეფორმები ძალიან მნიშვნელოვანია იმისთვის, რომ უკრაინა უფრო მეტად შეეწინააღმდეგოს რუსეთის ზეწოლას. პრობლემა ისაა, რომ უკრაინის ხელისუფლება გაჰყვა იმავე გზას, რომელიც ჩვენს რეგიონში არსებობს - ოლიგარქია, კორუფცია, დემოკრატიის შესუსტება და რა თქმა უნდა აქედან გამომდინარე, მისი ერთ-ერთი მთავარი ოპონენტი გავხდი. ჩემთვის მოქალაქეობის ჩამორთმევით, რაც უკრაინის კონსტიტუციის და საერთაშორისო სამართლის დარღვევით მოხდა, ცდილობენ მთავარი კონკურენტის ჩამოშორებას. მაგრამ უკრაინაში დიდი პროტესტია, მე მხარს მიჭერს სამოქალაქო საზოგადოება სხვა ოპოზიცური ჯგუფები, ჩემი პარტია. გვჯერა, რომ უკრაინელი ერი ამ ომში გაიმარჯვებს, ისინი შეაჩერებენ რუსეთს, მაგრამ ამისთვის საჭიროა, ჩამოიშორონ პოსტსაბჭოთა სტილის ოლიგარქები“, - განაცხადა სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.