საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, საზღვრების გადმოწევა და ოკუპაცია ყველაზე მტკივნეული თემაა, თუმცა მიაჩნია, რომ ის არასწორ კონტექსტში შუქდება ხოლმე.

„ოკუპაცია დაიწყო 90-იან წლებში, ოკუპაციას წერტილი დაესვა 2008 წელს. ამას ვივიწყებთ და რატომღაც გვგონია, რომ ყოველი ახალი ბანერის დადგმა, ახალი ოკუპაციაა, ეს ოკუპაცია მოხდა, რუსეთი არის ოკუპანტი, და ეს ოკუპაცია რომ დავამთავროთ, ამისთვის არსებობს ორი გზა, პირველი - საქართველო გახდეს ძლიერი, ეკონომიკურად განვითარებული, დემოკრატიული სახელმწიფო, რომელიც გახდება დასავლური სამყაროს ღირსეული წევრი და ამ შემთხვევაში ჩვენ გვაქვს შანსი, გავხდეთ მიზიდულობის ცენტრი ოკუპირებულ ტერიტორიებზე მცხოვრები ჩვენი თანამოქალაქეებისთვის და აუცილებლად  აღდგება ჩენი ტერიტორიული მთლიანობა. მეორე გზა, ეს არის, გვქონდეს უფრო მეტი ატომური ბომბი, გვყავდეს უფრო მეტი ტანკი, უფრო მეტი თვითმფრინავი, ვიდრე რუსეთს აქვს, და ძალით დავუბრუნოთ, ვერ მოხდება ეს და არ მოხდება. ამიტომ, როდესაც საუბარია საზღვრის გადმოწევაზე, 200 მეტრით, 700 მეტრით, 10 ჰექტარით, თუ 15 ჰექტარით, ეს გადმოწეულია რამდენიმე ათეული კილომეტრით 2008 წლის შემდეგ, ოკუპაცია უნდა დავასრულოთ, ვსაუბრობთ არა მეტრებზე, არამედ მთლიანად სამხრეთ ოსეთის ავტონომიურ ოლქზე, რომელის საზღვრები აღადგინა მიხეილ სააკაშვილმა 2008 წლის ომის წინ, ვსაუბრობთ, მთლიანად აფხაზეთზე, თავის კოდორის ხეობიანად, რომელიც ასევე 2008 წელს ჩააბარა მიხეილ სააკაშვილმა რუსეთს, რომელიც მანამდე შეინარჩუნა იქაურმა მაცხოვრებელმა კოდორელებმა და ეს უნდა დამთავრდეს და ყოველი ბანერის დადგმით რაიმე ახალი თვისობრივად არ იცვლება“,-განაცხადა სუბარმა.

მისივე თქმით, საზღვრების გადმოწევის პრობლემის ირგვლივ ყოველდღიურად  ხდება საერთაშორისო თანამეგობრობის მობილიზება და შესაძლებლობის მაქსიმუმი კეთდება:

„ჩვენი გზა არის ჩვენი ინტეგრაცია ევროპაში, ევროატლანტიკურ სივრცეში, ჩვენი ეკონომიკის გაძლიერება, ჩვენი დემოკრატიის გაძლიერება, რომ ერთ მშვენიერ დღეს დადგეს დრო, როდესაც აღვადგენთ ტერიტორიულ მთლიანობას, როგორც გამთლიანდა გერმანია. საერთაშორისო თანამეგობრობის მობილიზება გაკეთებულია და ყოველდღიურად ხდება, და თუ თქვენ ფიქრობთ, რომ ამაზე მეტს რომელიმე ევროპული ქვეყანა გამოვა და დააჭერს ატომურ ღილაკს ხელს, რაკეტას გაუშვებს- ეს არ მოხდება. მაქსიმალური მუშაობა ხდებa ყოველდღიურად. ავტომაგისტრალთან 2008-ში რომ მოახლოვდნენ, ისევ იქ დგანან, თუ შეგვიძლია დავახევინოთ, დავახევინოთ, მაგრამ ჩვენი გზაა ქვეყნის განმტკიცება, გვაქვს რამე სხვა გზა?”,-აღნიშნა  სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს