„დღეს ყველა თბილისელისთვის ამ უმნიშვნელოვანეს ადგილზე მინდა განვაცხადო, რომ ვიღებ გამოწვევას  და ვერთვები გადამწყვეტ ბრძოლაში  თბილისის გადასარჩენად“,-ამის შესახებ  „ნაციონალური მოძრაობის“ თბილისის მერობის კანდიდატმა ზაალ უდუმაშვილმა ოფიციალურ წარდგენაზე განაცხადა.

მან სიტყვით გამოსვლისას სამომავლო გეგმებზე ისაუბრა და აღნიშნა, რომ არასდროს ასეთი უგულებელყოფილი არ ყოფილა თბილისელების ნება, როგორც დღეს.

„ამდენი წელია მისმენდით თქვენ  სახლებში, მისმენდით და  იგებდით რა ხდება ჩვენს ქვეყანაში  და ჩვენს ქალაქში. მოვიდა დრო მოვისმინო თქვენი აზრი, მოვისმინო თბილისის ქუჩებში, ეზოებში, სახლებში, პარკებსა და სკვერებში, მეტროსადგურებსა და ავტობუსებში ყველგან სადაც ხართ, ყველგან სადაც თბილისია. მოვიდა დრო მოვიდე თქვენთან მოგისმინოთ რათა  გავიგო რა გიჭირთ, როგორ ცხოვრობთ, რა გჭირდებათ იმისთვის, რომ იცხოვროთ უკეთესად. დღეს თბილისელები გაბრაზებულები ვართ იმიტომ, რომ არასდროს არ  ყოფილა ჩვენი ქალაქი ასე  უყურადღებოდ მიტოვებული  როგორც დღეს, არასდროს არ ყოფილა ასეთი უგულებელყოფილი  ჩვენი თბილისელების ნება, როგორც დღეს, არასდროს ამდენი მოუგვარებელი  პრობლემა და გამოწვევა  არ დაგროვილა და არ დარჩენილა უპასუხოდ, როგორც მე ვარ  გაბრაზებული თბილისის მერობის კანდიდატი  და მინდა გავხდე ჩვენი ქალაქის მერი იმიტომ, რომ თბილისი იყოს ბედნიერი ადამიანების ქალაქი“,-განაცხადა უდუმაშვილმა.

მისივე თქმით, თბილისს ისე როგორც არასდროს, ჰაერივით სჭირდება ცვლილებები, მოტივირებული და საქმიანი ადამიანი.

„ჩვენს საერთო სახლს, ჩვენს დედაქალაქს, ჩვენს თბილისს  ჰაერივით სჭირდება ცვლილებები, მოტივირებული, საქმიანი და წესიერი ადამიანები მართვაში  და მე როგორც ამ ქალაქის შვილს, მაქვს მიზანი და მოტივაცია, თბილისელების ცხოვრება გავხადო ღირსეული, როგორსაც ისინი იმსახურებენ. მე შევძლებ დავამარცხო კორუფცია და ნეპოტიზმი  ქალაქის მმართველობაში,  არცერთი მექრთამე და ნათესავი  არ გადაწყვეტს ჩვენს ბედს, დასრულდება ჩინოვნიკების გამდიდრება თბილისელების ხარჯზე, კორუმპირებული მოსამართლეები და პროკურორები აღარ დაჯილდოვდებიან  ქალაქის მიწებით. ასევე, არ დავუშვებ პარტიული ნიშნით ადამიანების დასაქმებას და სამსახურიდან პოლიტიკური ნიშნით გათავისუფლებას.  ყველა დანიშვნა და დაწინაურება მხოლოდ კომპეტენტური კომპეტენციის ნიშნით მოხდება. მე შევძლებ მახინჯი ნაგებობების  შემოტევა მოვიგერიო და დავიცვა ისტორიული ქალაქი.  დავამარცხებ ურბანულ ბრაკონიერობას, სივრცის მომხვეჭელობას. მე შევძლებ საცობების ქალაქი მარტივი გადაადგილების და სწრაფი კომუნიკაციის ქალაქად  ვაქციო, ამისთვის უნდა ავაშენოთ ახალი ხარისხიანი ხიდები და ესტაკადები, მყისიერად აღვადგინოთ შემოვლითი გზის და რკინიგზის გადატანის  შეჩერებული პროექტები. მე შევძლებ უსულო მანქანების ქალაქი ადამიანებს დავუბრუნო, მეტი საფეხმავლო ზონა, ახალი პარკები და რეკრეაციული ზონები, მეტი სიმწვანე დედაქალაქს. მე შევძლებ თბილისი აღარ  იყოფოდეს  მეორე ხარისხოვან და  პრივილეგირებულ უბნებად - თანაბარი განვითარება მთელ ქალაქს, ყველას საჭიროების მიხედვით.  მე შევძლებ დედაქალაქის ახლადშემოერთებული სოფლების და დასახლებების მცხოვრებლებმა თავი  სრულუფლებიან თბილისელებად იგრძნონ.  ინფრასტრუქტურული განვითარება უპირველესად ამ  ტერიტორიებზე შევა.  მე შევძლებ თბილისი გადავაქციო  განათლებაზე განსაკუთრებულად მზრუნველ ქალაქად. დედაქალაქის ყველა სკოლა მიიღებს დანამატებს ქალაქის ბიუჯეტიდან და დედაქალაქის ბიუჯეტიდანვე  დაფინანსდება სოციალურად დაუცველი თბილისელი სტუდენტების, მოსწავლეების და სკოლამდელი დაწესებულებების აღსაზრდელთა სწავლა“, - განაცხადა ზაალ უდუმაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო