სერგეენკო: ჩვენს მონიტორინგს პირველადი მოხმარების მედიკამენტებზე ფასების მატება არ დაუფიქსირებია

2017-06-13 16:28:46, 2036 ნახვა

კომენტარი

„ჩვენთვის უცნობია პირველადი მოხმარების წამლებზე ფასებმა თუ მოიმატა, ჩვენს მონოტორინგს ეს არ დაუფიქსირებია“,-ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტებს განუცხადა.

მინისტრის თქმით, ქრონიკული დაავადებების სამკურნალო მედიკამენტებით უზრუნველყოფა დათქმულ ვადებში დაიწყება.

„ჩვენთვის უცნობია პირველადი მოხმარების წამლებზე თუ მოიმატა ფასებმა, ჩვენს მონიტორინგს ეს არ დაუფიქსირებია. თუმცა ამ თემასთან დაკავშირებით მინდა გითხრათ, რომ პირველადი მოხმარების კერძოდ ამ შემთხვევაში ქრონიკული დაავადების სამკურნალო მედიკამენტებზე უზრუნველყოფა დაიწყება დათქმულ ვადებში. პროცესების ფინალიზაცია მიდის და ივნისის ბოლოს, ივლისის პირველ რიცხვებში უკვე პირველი პაციენტები მიიღებენ”, - განაცხადა სერგეენკომ.

ჟურნალისტის შეკითხვაზე „აკონტროლებს თუ არა ჯანდაცვის სამინისტრო აფთიაქებში პირველადი მოხმარების წამლებზე ფასებს?“ მინისტრმა განაცხადა, რომ ფასებს ჯანდაცვის სამინისტრო და ზოგადად სახელმწიფო არ აკონტროლებს.

”ეს არის თავისუფალი ბაზრის პრინციპით მოქმედი 100%-ით კერძო ინდუსტრია”, - აღნიშნა სერგეენკომ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან