ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, თუ გადაწყდება, რომ პარლამენტი თბილისშიც და ქუთაისშიც იყოს, ის ამის წინააღმდეგი არაა.

როგორც მინისტრმა "ექსპრესნიუსთან" საუბარში აღნიშნა, ხელისუფლება დანაპირებს ქუთაისის განვიტარებასთან დაკავშირებით არ ივიწყებს.

"ყოველთვის მქონდა ჩემი დამოკიდებულება პარლამენტის ქუთაისში ყოფნასთან დაკავშირბით. პოლიტიკურ განცხადებებს არ ვაკეთებ და არც ახლა მინდა, რომ გავაკეთო. თუმცა მე რამდენადაც გავიგე, ჩანაწერში არის საუბარი, რომ პარლამენტი იყოს ქუთაისშიც და თბილისშიც. ამგვარი შესაძლებლობა თუ გაჩნდება, მიუხედავად იმისა, რომ აღარ ვარ პარლამენტარი, არ ვიქნებოდი წინააღმდეგი და ასე ვფიქრობ. ის, დანაპირები რომელიც ხელისუფლებამ განაცხადა ქუთაისის და საერთოდ რეგიონის განვითარებასთან დაკავშირებით, შესრულდება. მიმდინარეობს ამაზე მუშაობა, მე ეს დანამდვილებით ვიცი და ძალიან მალე, რამდენიმე წელიწადში ის თავის შედეგს აუცილებლად გამოიღებს", - აღნიშნა მინისტრმა. 

ცნობისთვის, საქართველოს პარლამენტის ადგილმდებარეობა შესაძლოა, კონსტიტუციით აღარ იყოს განსაზღვრული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია