კობახიძე: ახალი კონსტიტუციით ძლიერ პარლამენტს, ქმედით მთავრობას და ნეიტრალურ არბიტრ პრეზიდენტს მივიღებთ

2017-03-29 11:40:05, 2050 ნახვა

პოლიტიკა კომენტარი

„დღეს მოქმედი კონსტიტუციის ტექსტი ავტოკრატიის ჩამოყალიბების საფრთხეს ქმნის, ხოლო დაგეგმილი საკონსტიტუციო ცვლილებები კი ამ რისკს მთლიანად გამორიცხავს“, - ამის შესახებ პარლამენტის თავმჯდომარემ ირაკლი კობახიძემ კონფერენციაზე სიტყვით გამოსვლისას განაცხადა.

როგორც კობახიძემ აღნიშნა, კონსტიტუციის გადასინჯვის პროცესში მთავრობასა და პრეზიდენტს შორის კომპეტენციები გაიმიჯნება.

მანვე განმარტა, რომ პრეზიდენტის შეზღუდვა არ ხდება და მისი სტატუსი და უფლებები არსებითად არ იცვლება.

პარლამენტის თავმჯდომარემ დასძინა, რომ მხოლოდ უშიშროების საბჭოს ცვლილება იგეგმება და პრეზიდენტს უზენაესი სასამართლოს მოსამართლეობის კანდიდატების წარდგენის უფლება აღარ ექნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან