„ჩვენი ისტორიული ადგილი არის ევროპაში. ეს არის ძალიან სერიოზული ნაბიჯი, რაც უნდა გაგრძელდეს და საბოლოოდ დაგვირგვინდეს ჩვენი გაწევრიანებით ევროკავშირში“, - ამის შესახებ „ევროპული საქართველოს“ წევრმა ოთარ კახიძემ საქართველოსთვის ვიზალიბერალიზაციის ამოქმედებასთან დაკავშირებით განაცხადა.

„ჩვენ ვდგავართ ევროატლანტიკურ სივრცეში ინტეგრაციის გზაზე და ამ ფონზე, როდესაც ჩვენი მოქალაქეებს აღარ მოუწევთ რიგში დგომა საკონსულოებთან, აღარ ინერვიულებენ ვიზებთან დაკავშირებით და დაუბრკოლებლად იმოგზაურებენ 90 დღის განმავლობაში ევროპის ნებისმიერ დედაქალაქში, დაათვალიერებენ, შეისწავლიან, გაიცნობენ იქაურ კულტურას, მიიღებენ განათლებას და ეს არის ძალიან სერიოზული შესაძლებლობა. ჩვენი ისტორიული ადგილი არის ევროპაში და ეს არის ძალიან სერიოზული ნაბიჯი, რაც უნდა გაგრძელდეს და საბოლოოდ დაგვირგვინდეს ჩვენი გაწევრიანებით ევროკავშირში, როდესაც გავხდებით სრულყოფილი წევრი ევროპული ოჯახის“, - განაცხადა ოთარ კახიძემ.

დღეიდან საქართველოს მოქალაქეებისთვის ევროკავშირის/შენგენის ზონაში უვიზოდ მიმოსვლის რეჟიმი ამოქმედდა.

უვიზო რეჟიმი გულისხმობს თავისუფალ გადაადგილებას შენგენის ზონის ტერიტორიაზე, რომელიც ევროკავშირის წევრ 22 ქვეყანას, ევროკავშირის არაწევრ 4 ქვეყანას და შენგენის კანდიდატ 4 ქვეყანას მოიცავს.

რაც შეეხება შენგენის ზონაში დარჩენის ხანგრძლივობას - უვიზო რეჟიმი შესაძლებლობას აძლევს საქართველოს მოქალაქეებს ვიზის გარეშე განახორციელონ მხოლოდ მოკლევადიანი ვიზიტები. უფრო კონკრეტულად კი, მოკლევადიანი ვიზიტი გულისხმობს 90 დღეს ნებისმიერი 180 დღის განმავლობაში. ევროკავშირის/შენგენის ქვეყნებში 90 დღის პერიოდით ყოფნის შემდეგ საქართველოს მოქალაქემ უნდა დატოვოს ამ ქვეყნის ტერიტორია. ევროკავშირის/შენგენის სივრცეში მომდევნო შესვლა შესაძლებელია მომდევნო 90 დღის (ჯამში 180 დღე) პერიოდის გასვლის შემდეგ. 

უვიზო მოგზაურობა ევროკავშირში - ვადები, წესები და შეზღუდვები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა