„მამა გიორგი მამალაძეს  სურს, რომ პატრიარქს ინფორმაცია მიაწოდოს“,-ამის შესახებ დეკანოზ გიორგი მამალაძის ადვოკატმა მიხეილ რამიშვილმა განაცხადა.

ადვოკატის  თქმით, საინტერესოა, საიდან აღმოჩნდა დეკანოზ გიორგი მამალაძის ბინაში იარაღი. მანვე დასძინა, რომ ამის შესახებ დეტალურად თავად გიორგი მამალაძე ისაუბრებს.

"მამა გიორგის ბრალი წაყენებული აქვს 236-ე მუხლითაც, რაც გულისხმობს იმას, რომ სამართალდამცავებმა მოახერხეს რომ მამა გიორგის სახლში იარაღი აღმოეჩინათ. ამ დეტალების შესახებ თავად მამა გიორგი ისაუბრებს", - განაცხადა რამიშვილმა.

დაცვის მხარე საპატრიარქოდან ადეკვატურ ნაბიჯებს ელოდება. როგორც ადვოკატმა აღნიშნა, კარგი იქნება თუ მამა გიორგი მამალაძეს საპატრიარქოში გადაიყვანენ.

"ჩვენ დიდი იმედი ვართ განწყობილი, რომ საპატრიარქოდან ადეკვატური ნაბიჯები იქნება განხორციელებული. რადგანაც რომ გავითვალისწინოთ, ის ბრალდებულია და არა მსჯავრდებული. მას სურვილი აქვს რომ პირველ რიგში დეტალურად ინფორმაცია მიაწოდოს პატრიარქს", - აღნიშნა რამიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა განაცხადა, რომ აშშ ჰორმუზის სრუტეს გადაკეტავს

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა