აბაშიძე: რუსეთის დამსახურებაა ვიზალიბერალიზაციაო, არ მითქვამს

2017-02-09 12:44:07, 2041 ნახვა

პოლიტიკა კომენტარი

პრემიერ-მინისტრის სპეციალური წარმომადგენელის რუსეთთან ურთიერთობის საკითხებში ზურაბ აბაშიძის განცხადებით, თუ საჭირო გახდება პარლამენტში მივა.

ამასთან, აბაშიძე ამბობს, რომ არ უთქვამს, თითქოს ვიზალიბერალზიაცია რუსეთის დამსახურებაა:

„ჩვენი პარლამენტი ძალიან მიყვარს და თუ ამის საჭიროება იქნება, არანაირ პრობლემას არ წარმოადგენს ჩემი იქ მისვლა. რაც შეეხება განცხადებებს, რომელიც მოვისმინეთ, რუსეთის დამსახურებაა ვიზალიბერალიზაციაო, არ მითქვამს. ჩვენი ევროპული პროექტის წარმატებით განხორციელების ერთ-ერთი ხელშემყობი ფაქტორი არის ის, რომ შევამცირეთ გარეშე საფრთხეები, მათ შორის რუსეთთან დიალოგის მეშვეობით. ეს რეალობაა",- განაცხადა აბაშიძემ.

ცნობისთვის, „ნაციონალური მოძრაობა“ ზურაბ აბაშიძეს პარლამენტში იბარებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან