პარლამენტის თავმჯდომარის ირაკლი კობახიძის განცხადებით, არც მთავრობას და არც პარლამენტს  პრეზიდენტის არჩევის წესის შეცვლის არავითარი  სუბიექტური  ინტერესი არ გააჩნია. უბრალოდ, კობახიძის თქმით, საკონსტიტუციო კომისიამ უნდა იმსჯელოს, პრეზიდენტის არჩევის რომელი წესი მიესადაგება სისტემას, რომლის დამკვიდრებაც სურთ:

„არავითარი პოლიტიკური ინტერესი საქართველოს პარლამენტს, ან მთავრობას, პირადად მე, არ აქვს იმასთან დაკავშირებით, რომ შეიცვალოს პრეზიდენტის არჩევის წესი, ეს არ არის სუბიექტური პოლიტიკური ინტერესი, ნულოვანია ასეთი ინტერესი, ამას თავისი ობიექტური მიზეზებიც აქვს, ერთადერთი ჩვენ უნდა ვიმსჯელოთ იმასთან დაკავშირებით, თუ რომელი წესი მიესადაგება უფრო ემტად იმ სისტემას, რომლის დამკვიდრებაც გვინდა ჩვენ“,-აღნიშნა ირაკლი კობახიძემ.

პრეზიდენტის არჩევის წესის ცვლილება  გულისხმობს იმას, რომ შესაძლოა, პრეზიდენტი  პირდაპირი არჩევნების ნაცვლად, პარლამენტმა აირჩიოს.

პარლამენტის თავმჯდომარის შეფასებით, პრეზიდენტის არჩევის წესი და მისი უფლებამოსილებები ერთმანეთთან თანხვედრაში უნდა იყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოთისა და ხობის მიტროპოლიტის სააღდგომო გზავნილი

პატრიარქის მოსაყდრის, მიტროპოლიტ შიო მუჯირის სააღდგომო ეპისტოლე - სრულად

რომელ ქუჩებზე დაწესდება შეზღუდვები თბილისში 12-13 აპრილს - თბილისის მერია

CBS News: აშშ გაყინული ირანული აქტივების განბლოკვას არ დათანხმებულა