ვასილ მაღლაფერიძე საზოგადოებრივ მაუწყებელზე გადაცემების დახურვის შესახებ ინფორმაციას სპეკულაციას უწოდებს

2017-02-06 12:07:56, 2029 ნახვა

საზოგადოება კომენტარი

საზოგადოებრივი მაუწყებლის დირექტორის ვასილ მაღლაფერიძის განცხადებით, გავრცელებული ინფორმაცია, რომ გარკვეული გადაცემების დახურვა იგეგმება, სპეკულაციაა, რომელიც უნდა დასრულდეს:

"დასაწყისში მინდა მოვსხიპო ის აჟიოტაჟი, რომ თითქოს ჩვენ ვიღაცის მოხსნას ვაპირებთ, ან თითქოს რაღაცის დახურვას ვაპირებთ, ამის არც განზრახვა გვაქვს და არც სურვილი. რაც მთავარია, არანაირი კანონმდებლობიდან გამომდინარე ამის უფლებამოსილება არ გვაქვს. ყველას ვთხოვ ამ წუთიდან აღნიშნულ თემებზე სპეკულაცია დავამთავროთ, რადგან გაცილებით უფრო მნიშვნელოვანი თემები გვაქვს განსახილველი", - განაცხადა მაღლაფერიძემ.

ცნობისთვის, ამ წუთებში ვასილ მაღლაფერიძე მედიას საზოგადოებრივი მაუწყებლის განვითარების ხედვას აცნობს.

შეგახსენებთ, კოალიციამ ,,მედიის ადვოკატირებისთვის სამ იანვარს საზოგადოებრივი მაუწყებლის გადაცემის „რეალური სივრცე“ შესაძლო დახურვის შესახებ განცხადება გამოაქვეყნა. გავრცელებულ ინფორმაციას საზოგადოების ნეგატიური გამოხმაურება მოჰყვა. რის შემდეგაც 5 თებერვალს 18 საათზე საპროტესტო აქცია სლოგანით „დაიცავი რეალური სივრცე“ გაიმართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან