კობახიძე ვეტოზე: იყო გარკვეული მცდელობა, უპრეცედენტო რეფორმისთვის ჩრდილის მიყენება მომხდარიყო

2017-01-30 13:40:35, 1766 ნახვა

პოლიტიკა კომენტარი

პარლამენტის თავმჯდომარე ირაკლი კობახიძე სასამართლო რეფორმასთან დაკავშირებულ საკანონმდებლო პაკეტზე პრეზიდენტის მიერ ვეტოს დადების საკითხს გამოეხმაურა.

კობახიძის თქმით, ვეტოს დადებას უარყოფითად აფასებს, ვინაიდან სასამართლო რეფორმა უპრეცედენტო იყო:

„ ვეტოზე ვიმსჯელებთ, თუმცა ვეტოს დადებას უარყოფითად შევაფასებდი. რეალურად, ეს უპრეცედენტო რეფორმა იყო, რომელიც პარლამენტის მიერ გატარდა და ადგილი ჰქონდა გარკვეულ მცდელობას, ამ უპრეცედენტო რეფორმისთვის ჩრდილის მიყენება მომხდარიყო, რაც ნამდვილად დასანანია“, - განმარტა ირაკლი კობახიძემ.

სასამართლო რეფორმასთან დაკავშირებულ საკანონმდებლო პაკეტს, რომელიც პრეზიდენტს ხელმოსაწერად 10 იანვარს გადაეგზავნა, გიორგი მარგველაშვილმა ვეტო დაადო და შესაბამისი მოტივირებული შენიშვნებით პარლამენტს დაუბრუნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან