შსს-ს საგანგებო სიტუაციების მართვის სააგენტოს უფროსის მოადგილის, დავით გელაშვილის ინფორმაციით, „ბავშვთა სამყაროს“ შენობა ამჟამად ავარიულია.

როგორც გელაშვილმა ჟურნალისტებს განუცხადა, ხანძრის შედეგად მეორე, მესამე და მეოთხე სართულებს შორის გადახურვის ჩამონგრევა მოხდა, რის გამოც შენობაში მუშაობა ამ მომენტისთვის საფრთხეს წარმოადგენს.

„შემოვიდა შეტყობინება 04:10 წუთზე. დაახლოებით, სამ წუთში მოვიდა პირველი დანაყოფი, 3000კვ.მ-ზე იყო ხანძარი. გამოძახებაზე სულ 31 სახანძრო-სამაშველო დანაყოფი მოვიდა. ხანძრის ქრობიდან 5 წუთში ცეცხლი გავრცელდა „ბავშვთა სამყაროს“ მთლიან შენობაზე, რომლის ფართობი შეადგენს დაახლოებით 10 000 კვ.მ-ს, მოსვლიდან 10-15 წუთში უკვე 13 000 კვ.მ ზე იყო ღია ცეცხლი გაჩენილი. ამ მომენტისთვის ხანძარი ლოკალიზებულია, მიმდინარეობს ცალკეული კერების ჩაქრობითი სამუშაოები. მაღალი ტემპერატურის შედეგად, შენობის გარკვეულმა ფრაგმენტებმა მიიღო დაზიანება, მოხდა მეორე, მესამე და მეოთხე სართულებს შორის გადახურვის ჩამონგრევა. ამ მომენტისთვის შენობა, შეიძლება ითქვას, რომ ავარიულია. შიგნით მუშაობა საფრთხეს წარმოადგენს“,- განაცხადა გელაშვილმა.

ამასთან, ხანძრის ლოკალიზების დროს ერთი მეხანძრე მსუბუქად დაშავდა. მას დახმარება ადგილზე გაუწიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაშინიანის ავტოკოლონის თანმხლები ავტობუსი ავარიაში მოყვა

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა