უკრაინაში საქართველოს სრულუფლებიანი და საგანგებო ელჩის მიხეილ უკლებას განცხადაბით, ხვალ ის სახალხო დამცველს შეხვდება.

როგორც უკლებამ აღნიშნა, ცუდია ის რაც გია ცერცვაძის დღევანდელ სასამართლო სხდომაზე მოხდა.

„ცუდია ის, რაც მოხდა, მაგრამ ეს უკრაინის შიდაგანაწესის გამო მოხდა. პრეტენზიას უყენებენ იმ მოსამართლეს, ვინც მიიღო მისი დროებით დაკავების შესახებ გადაწყვეტილება. არ წარმოადგინა შესაბამისი მასალები დღევანდელი სასამართლოსთვის და გადაიდო ტექნიკურად. სასამართლო  3 თებერვალს 11:00 საათზეა დანიშნული. უნდა გავაგრძელოთ ჩვენ მუშაობა, ხვალ ვხვდებით ომბუდსმენს, ქალბატონი ტატიანაც მოგვყვება, ადვოკატიც არის. ასე პროცესში ვართ ჩართული ყველა“, - განაცხადა ელჩმა.

ცნობისვთვის, საქართველოს ელჩი უკრაინაში, მიხეილ უკლება სააპელაციო სასამართლოში გია ცერცვაძის პროცესს არ ესწრებოდა, თუმცა მისი დასრულების შემდეგ ის ქართველი ოფიცრის მეუღლესა და ადვოკატს შეხვდა. 

ვიცე-პოლკოვნიკი გია ცერცვაძე კიევის სააპელაციო სასამართლომ წინასწარ პატიმრობაში დატოვა. გადაწყვეტილება ცოტა ხნის წინ გამოცხადდა, რასაც სასამართლო დარბაზში პროტესტი მოყვა.

შეგახსენებთ, რომ ქართველი ვიცე-პოლკოვნიკი გია ცერცვაძე 15 იანვარს, უკრაინაში ჩასვლისთანავე დააკავეს. რუსეთის ფედერაცია სამხედროს, მკვლელობასა და მკვლელობის მცდელობაში ადანაშაულებს და მის ექსტრადირებას ითხოვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა