საგარეო საქმეთა მინისტრმა მიხეილ ჯანელიძემ სამინისტროს საქმიანობის ანგარიშის წარდგენისას ყურადღება გაამახვილა რუსეთთან ურთიერთობაზე და რუსეთთან ჟენევის მოლაპარაკებების  დასტაბილურებისკენ გადადგმულ ნაბიჯებზე.

ასევე, მიხეილ ჯანელიძემ საერთაშორისო ასპარეზზე საქართველოს  ოკუპირებულ ტერიტორიებზე არსებული მდგომარეობის  ფართო განხილვის  საგნად გადაქცევის თაობაზე ისაუბრა.

ჯანელიძის თქმით, მნიშვნელოვანია, რომ ეუთოს საპარლამენტო ასამბლეის დეკლარაციაში აისახა „კონფლიქტი საქართველოში“, რაც არის პირველი დოკუმენტი, რომელიც ასამბლეამ უშუალოდ რუსეთ-საქართველოს კონფლიქტის  თემაზე მიიღო. მისივე განცხადებით, 4 წლიანი წყვეტის შემდეგ, აღდგა გალის ინციდენტების პრევენციისა და მასზე რეაგირების მექანიზმი და აშშ-ს წარმომადგენელთა პალატამ პირველად მიიღო საქართველოს  ტერიტორიული მთლიანობის მხარდამჭერი ორპარტიული რეზოლუცია. ჯანელიძე ამბობს, რომ საქართველოს მთავრობა რუსეთთან კონსტრუქციული და პრაგმატული პოლიტიკის განხორციელებას აგრძელებს:

„თქვენ იცით, რომ გრძელდება აბაშიძე-კარასინის შეხვედრები, სადაც სავაჭრო, ეკონომიკური, კულტურული ურთიერთობების ნაწილში პროგრესია მიღწეული. ჩვენი მიზანია, საქართველოს კონტროლირებად ტერიტორიაზე უზრუნველყოფილი იყოს მშვიდობა, იყოს შესაძლებლობა, განვახორციელოთ ჩვენი საგარეო პოლიტიკის პრიორიტეტები“,-აღნიშნა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს