კრემლის იდეოლოგი და პროპაგანდისტი ალექსანდრ დუგინი აშშ-ისრაელის მიერ ირანზე ერთობლივ იერიშებს ეხმაურება და წერს, რომ "შემდეგი რუსეთია".

"ჩემი აზრით, იმიჯის შექმნის სტრატეგიამ, რომ თითქოს რუსეთში ყველაფერი კარგად არის და ცხოვრება ჩვეულებრივ გრძელდება, საკუთარი თავი ამოწურა. შემდეგი ჩვენ ვართ", - დაწერა მან Telegram-ზე.

ის წერს, რომ "გლობალურად, ყველაფერი იმაზეა დამოკიდებული, რამდენ ხანს გაძლებს ირანის ისლამური რევოლუციის გუშაგთა კორპუსი" და ამბობს, რომ "თუ ირანი გაძლებს, ყველაფერი შეიძლება საპირისპირო მიმართულებით წავიდეს, თუ ჩამოიშლება, შემდეგი ჩვენ [რუსეთი] ვართ".

ალექსანდრ დუგინის თქმით, თუ "რუსეთში ნამდვილი პატრიოტული რეფორმები ახლავე არ დაიწყება, ვითარება უბრალოდ არაპროგნოზირებადი გახდება".

"ერთმანეთის მიყოლებით, ჩვენი მოკავშირეები სისტემატურად ნადგურდებიან. ნათელია, ვინ არის შემდეგი და ნათელია, რას ნიშნავს ასეთ მტერთან მოლაპარაკებებზე წასვლა", - წერს ის.

ამასთან, დუგინი აღნიშნავს, რომ - "რუსეთისთვის ბოლო ზარი დაირეკა".

ავტორი: ექსპრესნიუსი,

სოციალური ქსელები

უკრაინის საელჩო: ქართველ ხალხთან ერთად, პატივს მივაგებთ 9 აპრილს დაღუპულებს

ბექა დავითულიანი ქალ აქტივისტს ფიზიკურად გაუსწორდა

ირანის სახელმწიფო მედია: ირანმა ჰორმუზის სრუტე დაკეტა

ლიეტუვის საგარეო: 1989 წლის ტრაგიკულ მოვლენებს ვიხსენებთ, 1991 წლის 9 აპრილს დამოუკიდებლობის აღდგენას აღვნიშნავთ