სანამ ვახტანგ გომელაურზე რამეს იტყვით, მანამდე სამჯერ პირჯვარი გადაიწერეთ, ჩემი რჩევაა, - ასე მიმართა პარლამენტის დროებითი საგამოძიებო კომისიის სხდომაზე, კომისიის თავმჯდომარე თეა წულუკიანმა პარტია „გახარია საქართველოსთვის“ ლიდერ გიორგი გახარიას.

კამათი წულუკიანსა და გახარიას შორის ე.წ. ჩორჩანას საკითხზე ყოფილი შს მინისტრის გამოკითხვას მოჰყვა.

„ჩვენ ბევრი ვიდავეთ, ბევრი ვილაპარაკეთ, მაგრამ რეალობას ვერავინ გაექცევა. პირველ რიგში, თქვენ ის ტერიტორია, სადაც ჩვენი ცენტრალური ხელისუფლება, სამართლებრივი გაგებით, ეფექტურ კონტროლს ახორციელებდა, თქვენ მიერ საგუშაგოს ჩადგმის შემდეგ, იქ ჩვენი ცენტრალური ხელისუფლება ეფექტურ კონტროლს ვერ ახორციელებს, აქ ვერ აგიხსნით ,რას ნიშნავს სამართლებრივად ეფექტური კონტროლიო...“- აღნიშნა თეა წულუკიანმა, რასაც გიორგი გახარიამ ტყუილი უწოდა.

„ეს ტყუილია! მიდით პროკურატურაში და მიეცით ჩვენება, ვახო ხომ მიიყვანეთ?“- აღნიშნა გახარიამ, რასაც თავის მხრივ წულუკიანმა მოსთხოვა, რომ შს ყოფილი მინისტრი, ვახტანგ გომელაური არ ეხსენებინა.

„თქვენ სანამ ვახტანგ გომელაურზე რამეს იტყვით, მანამდე სამჯერ პირჯვარი გადაიწერეთ, ჩემი რჩევაა“,- განაცხადა წულუკიანმა.

თავის მხრივ, წულუკიანის ამ რეპლიკას გახარიამ უპასუხა.

„მე წინაზეც გთხოვეთ, ვახოს თავი დაანებეთ, თავისი გაჭირვება ეყოფა-მეთქი და არ დაანებეთ. ის კაცი ისე გააგდეს, ხვალ დასაჭერი არ გაგიხდეთ“, - განაცხადა გახარიამ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო