პატიმრების ოჯახის წევრები საზოგადოებრივი მაუწყებლის გენერალურ დირექტორს, თინათინ ბერძენიშვილს მიმართავენ, რომ მათ არხზე პირდაპირი ეთერი დაუთმონ და ასევე, რეჟიმის პატიმრების სასამართლო პროცესები პირდაპირ ეთერში გადასცენ.

"ჩვენ, სინდისის პატიმრების ოჯახები გულწრფელი თხოვნითა და მტკიცე მოთხოვნით მოგმართავთ: იმ მძიმე მდგომარეობიდან გამომდინარე, რომელშიც ჩვენი ოჯახის წევრები იმყოფებიან:

1. პრაიმტაიმში ცოცხალი ეთერის გამოყოფას ვითხოვთ, რათა პატიმრების ოჯახის წევრებს შესაძლებლობა მოგვეცეს, საზოგადოებას უშუალოდ მივაწოდოთ ინფორმაცია სინდისის პატიმრების მდგომარეობასა და მათ ირგვლივ განვითარებულ მოვლენებზე.
2. ვითხოვთ საზოგადოებრივი მაუწყებლის მიერ პოლიტიკურ პატიმრებთან დაკავშირებული ყველა სასამართლო პროცესის პირდაპირ ეთერში, სრულფასოვან გაშუქებას. 

ჩვენი მოთხოვნები თავად საზოგადოებრივი მაუწყებლის სტატუტურ მიზნებს ემყარება, რომ დამოუკიდებლობის, მიუკერძოებლობისა და ობიექტურობის პრინციპის დაცვით, მაღალი საზოგადოებრივი ინტერესის მქონე საკითხების სრულფასოვანი გაშუქება უზრუნველყოს". - ამბობენ რეჟიმის პატიმრების ოჯახის წევრები.

პატიმრების ოჯახის წევრები საზოგადოებრივი მაუწყებლის გენერალურ დირექტორს მათი მოთხოვნების შესასრულებლად 3-დღიან ვადას აძლევენ - წინააღმდეგ შემთხვევაში კი აპირებენ, რომ ამ საკითხთან დაკავშირებით, საერთაშორისო საზოგადოებრივი მაუწყებლობის მონიტორინგის ორგანიზაციებს, მათ შორის, ორგანიზაცია Public Media Alliance-ს მიმართონ.

გარდა ამისა, პატიმრების ოჯახის წევრების თქმით, მოთხოვნების შეუსრულებლობის შემთხვევაში, ისინი ევროპარლამენტს, ევროსაბჭოს მედიის თავისუფლების დეპარტამენტს, ჟურნალისტების საერთაშორისო ფედერაციასა და სხვა შესაბამის ინსტიტუტებს მიმართავენ, რათა "საქართველოს საზოგადოებრივი მაუწყებლის მიერ საზოგადოებრივი ინტერესებისა და სამართლიანი ინფორმირების ვალდებულების შესაძლო დარღვევებს სათანადო ყურადღება მიაქციონ".

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა