„საქართველოს ევროპული ორბიტის“ დამფუძნებლის, ნინო ლომჯარიას განცხადებით, მესამე სექტორმა აქციების დროს დაკავებულთა ოჯახის წევრებისგან ნებართვა მიიღო, რომ დაკავებულთა საქმის მასალებზე წვდომა ექნებათ.

ამის შესახებ ნინო ლომჯარიამ ჟურნალისტებს მესამე სექტორის და პატიმართა ოჯახის წევრებს შორის შეხვედრის დასრულების შემდგომ განუცხადა.

“თითოეული საქმის თითოეული დაკავებულის შესახებ ინფორმაციას ვამუშავებთ მათი დაკავების გარემოებების, მათი საქმის გარემოებების შესახებ. კიდევ ერთხელ დავრწმუნდით, თუ რამდენად უსამართლო და უკანონო იყო ამ ადამიანების დაკავება. ძალიან მძიმე ზეწოლის ქვეშ არიან ოჯახის წევრები და მნიშვნელოვანია, რომ მათ იცოდნენ, რომ ადამიანის უფლებათა დაცვითი ორგანიზაციები თითოეული პატიმრის საქმეს გულდასმით სწავლობენ და ამ ინფორმაციას საერთაშორისო ორგანიზაციებს აწვდიან.

ინფორმაციები გავცვალეთ, რომ ადვოკატებისგან და პატიმრებისგან მივიღოთ თანხმობა, რომ მათი საქმის მასალებზე წვდომა გვქონდეს, ასევე, სხვა საკითხებზეც შევთანხმდით. რა თქმა უნდა, დავინტერესდით, ციხეში პატიმრების მდგომარეობისა და სხვა საკითხებთან დაკავშირებით“, -განაცხადა ლომჯარიამ.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება