2025-01-23 19:36:20, 672 ნახვა

---

ანდრო ჭიჭინაძის წერილი გლდანის ციხიდან - ვერაგი რეალობაც კი სიყვარულად შეიძლება გადათარგმნდეს

მსახიობმა ანდრო ჭიჭინაძემ გლდანის ციხიდან წერილი გამოაგზავნა, რომელიც მისმა კოლეგამ, გივიკო ბარათაშვილმა, ვასო აბაშიძის სახელობის ახალი თეატრის წინ შეკრებილ მოქალაქეებს წაუკითხა.  

დწერილში ჭიჭინაძე მადლობას უხდის ყველას, ვინც პატიმრების მიმართ სოლიდარობას გამოხატავს და აღნიშნავს, რომ სოლიდარობა ქრისტიანული და ევროპული ღირებულებაა, რომელიც ძალასა და ენერგიას აძლევს საზოგადოებას.

 

ის ასევე აღნიშნავს, რომ ადამიანის უფლებების დარღვევაზე ხმის ამოღებას „პერიოდი“ არ სჭირდება და მადლობას უხდის სახელოვნებო სფეროს წარმომადგენლებსა და სტუდენტებს მათი ერთიანობისა და შეუპოვრობისთვის.

 

„ვამაყობ თითოეული თქვენგანით. თქვენი მოქმედებებით ვიჯერებ, რომ სადაც არ უნდა იყო და მოხვდე, ყველგან შეგიძლია, ბედნიერი იყო. ნებისმიერი უარყოფითი გადათარგმნადია სიყვარულში. ალბათ, ჩვენი ცხოვრების დანიშნულებაც ეს არის. გადავარჩინოთ ადამიანი ადამიანში - როგორც საკუთარ თავში, ისე სხვაში. ალბათ, თავისუფლებაც ეს არის და დიდი მადლობა თქვენ ამ თავისუფლებისთვის. მენატრებით“, - წერს ანდრო ჭიჭინაძე.  

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი