2025-01-23 17:46:44, 571 ნახვა

---

სცენა ქუჩაში, რეპეტიცია ღია ცის ქვეშ – მსახიობები საპროტესტო მანიფესტის გასაჯაროებისთვის ემზადებიან

ვასო აბაშიძის ახალი თეატრის ეზოში სცენა უკვე მოეწყო. ადგილზე მიტანილია საქართველოსა და ევროკავშირის დროშები. სცენის თავზე კი გაშლილია ანდრო ჭიჭინაძის დიდი პლაკატი სახელწოდებით „თავისუფლება რეჟიმის პატიმრებს“.

მსახიობებმა ბოლო რეპეტიცია გაიარეს და ახლა მაყურებლისთვის მზადებას იწყებენ.

„ჩვენ დღეს ვამბობთ, რომ არ დავტოვებთ პატიმრებს მარტო და არ დავტოვებთ ჩვენს ქვეყანას იმ ძალის ხელში, რომელმაც ეს ქვეყანა დაისაკუთრა“, – ამბობს რეჟისორი მიშა ჩარკვიანი.

მსახიობების თქმით, ეს საღამო იქნება განსაკუთრებული, რადგან  მაყურებლებს გაანდობენ, რა ნაბიჯებს გადადგამენ კოლეგის და კიდევ 52 სხვა პატიმრის გათავისუფლებისთვის.

18:00 საათზე, აღმაშენებლის გამზირის N127-ში, „ახალი თეატრის“ წინ ხელოვანები მაყურებლებს თეატრის შენობასთან ელოდებიან.

დღეს ახალი თეატრის დასი პეტიციასაც შექმნის, თუმცა მისი შინაარსი ამ ეტაპზე უცნობია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი