ამირან გამყრელიძე - არ არის გამორიცხული, აგვისტოს ბოლოსკენ ინფიცირების შემთხვევების ზრდა დაიწყოს

2021-05-25 13:44:19, 636 ნახვა

კომენტარი

დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ გლობალური პროგნოზით, კორონავირუსის შემთხვევათა რაოდენობა ნელი ტემპით იკლებს.

როგორც ამირან გამყრელიძემ საკოორდიაციო საბჭოს დასრულების შემდეგ, ბრიფინგზე განაცხადა, არ არის გამორიცხული, რომ ახალი მუტირებული შტამების გამო, აგვისტოს ბოლოსკენ გლობალურად შემთხვევების ზრდა ისევ დაიწყოს.

„გლობალური პროგნოზი არის ასეთი, რომ გლობალურად შემთხვევათა რაოდენობა ნელი ტემპით მოიკლებს. არ არის გამორიცხული, რომ აგვისტოში, აგვისტოს ბოლოსკენ ისევ დაიწყოს, როგორც ევროპაში, ისე გლობალურად შემთხვევების ზრდა. ძირითად ახალი მუტირებული შტამების ხარჯზე. ამიტომ, ყველგან, სადაც შემსუბუქებები მიმდინარეობს, მეტი ყურადღებაა რეკომენდაციების დაცვაზე, პირველ რიგში, პირბადე, დისტანცია, დიდი თავშეყრებისგან თავის არიდება და მეტი აცრა“, - განაცხადა გამყრელიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან