„ნიკა მელია გაჯიუტებულია და საკნიდან არ გამოდის“, - ამის შესახებ „ქართული ოცნების“ ლიდერმა შალვა პაპუაშვილმა საზოგადოებრივი მაუწყებლის ეთერში განაცხადა.

მან ასევე აღნიშნა, რომ „ენმ“-სა და „ევროპულ საქართველოს“ მოლაპარაკების ჩაშლა ბევჯერ სურდათ.

„ნაციონალური მოძრაობა მელიას იყენებდა, როგორც ინსტრუმენტს, რომ ებიძგებინა მისთვის, დაერღვია აღკვეთის ღონისძიების პირობები, რათა სასჯელაღსრულების დაწესებულებაში მოხვედრილიყო და მისი გამოყენება მომხდარიყო მღელვარების გამოსაწვევად.

ვხედავთ, რომ საფუძველი არ არსებობს, მან სასჯელაღსრულების დაწესებულება ვერ დატოვოს, ის გაჯიუტებულია და ფაქტობრივად საკნიდან არ გამოდის.

ეს მდგომარეობა არასერიოზულია და ერთი რამით აიხსნება, რომ ნაციონალურმა მოძრაობამ და ევროპულმა საქართველომ თვეების განმავლობაში შეთანხმების ჩაშლა რამდენჯერმე წარმატებით შეძლეს, გუშინწინ ჩაშლის ყველა შესაძლებლობა ჩაეკეტათ და ახლა ისინი აგონიაში არიან, ცდილობენ, იქნებ, შეთანხმების აღსრულება შეაფერხონ და ამით მღელვარება შემოიტანონ. მათი დესტრუქციული დღის წესრიგი დამარცხებულია და ეს მარცხი უკვე აღიარეს“, - განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა