საქართველოში ოფიციალური ვიზიტით მყოფმა ლატვიის პრეზიდენტმა დაგმო  ე.წ. საპარლამენტო და საპრეზიდენტო არჩევნები, ასევე  ე.წ. რეფერენდუმი, რომელიც სეპარატისულ რეგიონებში ჩატარდა.

„ლატვია გმობს ქმედებებს, რომლის მიზანია, ძირი გამოუთხაროს საქართველოს ტერიტორიულ მთლიანობას, ე.წ. საპარლამენტო და საპრეზიდენტო არჩევნებს, ისევე როგორც ე.წ. რეფერენდუმს, რომელიც ჩატარდა სეპარატისტულ რეგიონებში და მიიჩნევს ამ ქმედებებს უკანონოდ, არასოდეს აღიარებს მას. ის არასოდეს იქნება აღიარებული საერთაშორისო თანამეგობრობის მიერ. მნიშვნელოვანია, პატივი ვცეთ ნებისმიერი ქვეყნის ტერიტორიულ მთლიანობას და ის იყოს თავისუფალი ნებისმიერი ტიპის უცხოური ჯარისგან. ლატვია გააგრძელებს ევროკავშირის მონიტორინგის მისიის მხარდაჭერას საქართველოში. მას აქვს მასტაბილიზებელი ეფექტი რეგიონში. ლატვია ყოველთვის მხარს უჭერდა საქართველოს სუვერენიტეტსა  და მის ტერიტორიულ მთლიანობას საერთაშორისოდ აღიარებულ საზღვრებში“,-განაცხადა რაიმონდს ვეიონისიმ.

მან საქართველოს პრეზიდენტი ოფიციალური ვიზიტით ლატვიაში მიიწვია:

„მინდა, დავპატიჟო საქართველოს პრეზიდენტი, ეწვიეთ ლატვიას ნებისმიერ დროს,  როდესაც თქვენ მზად იქნებით ვიზიტისთვის“,-მიმართა ქართველ  კოლეგას გიორგი მარგველაშვილს ლატვიის პრეზიდენტმა ერთობლივ პრესკონფერენციაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება